Aditya L1 Mission: चंद्रानंतर भारताची सूर्याकडे झेप; ISRO चं सूर्य मिशन आज होणार लॉन्च, कसं करणार काम?

या मोहिमेबाबत इस्रोने सांगितलं की, सूर्य मोहिमेची उलटी गिनती सुरू झाली आहे. ही मोहीम 2 सप्टेंबर रोजी सकाळी 11.50 वाजता आंध्र प्रदेशातील श्रीहरिकोटा अंतराळ स्थानकावरून प्रक्षेपित केली जाईल. त्याची सर्व तयारी पूर्ण झाली आहे. लॉन्च झाल्यानंतर 127 दिवसांनी ते त्याच्या पॉइंट L1 वर पोहोचेल.

इस्रो प्रमुख म्हणाले की, आदित्य एल-1 मोहीम ही सूर्याचे निरीक्षण करणारी इस्रोची पहिली समर्पित अंतराळ मोहीम असणार आहे. प्रक्षेपणाची तयारी अंतिम टप्प्यात पोहोचली आहे. रॉकेट आणि उपग्रह तयार आहेत. प्रक्षेपणाची तालीमही पूर्ण झाली आहे. इस्रोचे सर्वात विश्वासार्ह रॉकेट PSLV-C57 आदित्य-L1 पृथ्वीच्या खालच्या कक्षेत प्रक्षेपित करेल. यानंतर, तीन किंवा चार कक्षा चालवल्यानंतर ते थेट पृथ्वीच्या प्रभाव क्षेत्राच्या (SOI) बाहेर जाईल. त्यानंतर क्रूझचा टप्पा सुरू होईल. हे थोडं जास्त काळ चालेल.

advertisement

मिशनचा उद्देश -

सूर्यातून बाहेर पडणाऱ्या उष्णता आणि उष्ण वाऱ्यांचा आदित्य अभ्यास करणार आहे. ते सौर वातावरण समजून घेण्याचा प्रयत्न करेल. यासोबतच सौर वाऱ्यांचे कारण आणि तापमानाचा अभ्यास करेल. सौर वादळे, सौर लहरी आणि त्यांचा पृथ्वीच्या वातावरणावर होणारा परिणाम याचे कारणही अभ्यासणार आहे.

आदित्य-एल1 ही भारताची पहिली सौर मोहीम आहे. आदित्य-L1 अंतराळयान पृथ्वी आणि सूर्यादरम्यानच्या L1 कक्षेत ठेवण्यात येणार आहे. म्हणजेच, सूर्य आणि पृथ्वी प्रणाली दरम्यान उपस्थित असलेला पहिला लॅरॅंजियन बिंदू. म्हणूनच त्याच्या नावात L1 जोडले आहे. L1 हे खरं तर अंतराळातील पार्किंग स्पेस आहे. जिथे अनेक उपग्रह तैनात आहेत. भारताचे सूर्ययान पृथ्वीपासून 15 लाख किमी अंतरावर असलेल्या या बिंदूपासून सूर्याचा अभ्यास करेल. ते सूर्याच्या जवळ जाणार नाही.