‘नागरिक देवो भव’ या तत्त्वावर आधारित ‘सेवा तीर्था’चे पंतप्रधानांच्या हस्ते लोकार्पण

लोकसेवेप्रतीची दृढ वचनबद्धता आणि लोककल्याण सेवा तीर्थाच्या लोकार्पणातून प्रतिबिंबीत झाल्याचे मत पंतप्रधान  मोदी यांनी व्यक्त केले.

पंतप्रधान म्हणाले की, सेवा तीर्थ कर्तव्य, करुणा आणि राष्ट्र सर्वोपरी या तत्त्वाविषयीची वचनबद्धता यांचे लखलखीत आणि सामर्थ्यशाली प्रतीक आहे.

हे स्थळ आगामी पिढ्यांना नि:स्वार्थ सेवा आणि  सर्वांच्या कल्याणासाठी अथक प्रयत्न यांची प्रेरणा देईल तसेच प्रत्येक नागरिकाच्या कल्याणासाठी समर्पित भावनेने काम करण्यासाठी लोकांना प्रोत्साहन देईल अशी आशा त्यांनी व्यक्त केली.

advertisement

पंतप्रधानांनी ‘एक्स’  समाज माध्यमावरील संदेशात म्हटलं आहे,

“भारतीय नागरिकांची सेवा करण्याच्या अढळ निर्धारासह आणि नागरिक देवो भव या तत्त्वानुसार सेवा तीर्थाचे विनम्रतेने राष्ट्रार्पण केले.

हे सेवा तीर्थ कर्तव्य, करुणा, राष्ट्र प्रथम या तत्त्वाप्रतीची वचनबद्धता यांचे प्रतीक ठरावे. निस्वार्थ सेवेच्या मार्गावर चालण्याची आणि सर्वांच्या कल्याणासाठी अथक प्रयत्न करण्याची प्रेरणा इथून मिळावी.”