निर्जला एकादशीला चुकूनही करू नका 'ही' कामं; भगवान विष्णू आणि लक्ष्मी होतील नाराज, होेईल मोठं नुकसान!

निर्जला एकादशीचं धार्मिक महत्त्व काय आहे?

आचार्य आनंद भारद्वाज सांगतात की, फक्त निर्जला एकादशीचा उपवास केल्याने तुम्हाला वर्षभरातील सर्व एकादशींच्या उपवासाचं फळ मिळतं, यात अधिक मासातील दोन एकादशींचाही समावेश आहे. वर्षातील इतर एकादशीच्या उपवासात फक्त खाण्यावर नियंत्रण ठेवावं लागतं, पण निर्जला एकादशीच्या दिवशी खाण्यासोबतच पाणी पिण्यावरही नियंत्रण ठेवावं लागतं. या उपवासात पाणी प्यायलं जात नाही; म्हणजे पाण्याविना उपवास केला जातो. हा उपवास मनाला संयम शिकवतो आणि शरीराला एक नवी ऊर्जा देतो. स्त्री-पुरुष कोणीही हा उपवास करू शकतात.

advertisement

एकादशीच्या उपवासाच्या दिवशी काय करू नये?

धार्मिक मान्यतांनुसार, निर्जला एकादशीसारख्या पवित्र दिवशी केस किंवा नखं कापणं वर्ज्य मानलं जातं. असं म्हणतात की असं केल्याने देवी लक्ष्मी आणि भगवान विष्णू नाराज होऊ शकतात. यामुळे जीवनात धन, बुद्धी आणि ज्ञानाची हानी होऊ शकते. महाभारताच्या अनुशासन पर्वातही असं म्हटलं आहे की शुभ तिथींना केस कापणं अशुभ असतं आणि त्यामुळे व्यक्तीला नुकसान होऊ शकतं. त्यामुळे, उपवासाच्या एक-दोन दिवस आधीच केस कापून घेतले तर ते जास्त चांगलं होईल.

एकादशीच्या उपवासाच्या दिवशी काय करावं?

एकादशीच्या दिवशी ब्रह्म मुहूर्तावर उठावं आणि स्नान वगैरे करून उपवासाचा संकल्प करावा. पूजेदरम्यान भगवान विष्णूंना पिवळ्या रंगाची मिठाई अर्पण करावी, कारण पिवळा रंग भगवान श्रीहरींना खूप प्रिय आहे. भगवान विष्णूसोबत देवी लक्ष्मीचीही पूजा करावी. या दिवशी पिंपळाच्या झाडाला पाणी अर्पण करणंही शुभ मानलं जातं.

हे ही वाचा : Horoscope Today: विरोधकांपासून सावध राहा, या 5 राशींसाठी दिवस आव्हानात्मक, आजचं राशीभविष्य

हे ही वाचा : Nirjala Ekadashi 2025: निर्जला एकादशी दिवशी घरी कराव्या या 5 गोष्टी; देवी लक्ष्मीची कृपा राहते