बायकोला ठेवतात राणीसारखं! 'या' राशीचे पुरुष पत्नीला देतात 'क्वीन ट्रीटमेंट', असतात परफेक्ट हसबंड

प्रत्येक मुलीचे स्वप्न असते की, तिला असा जोडीदार मिळावा जो तिच्यावर भरभरून प्रेम करेल, तिच्या भावनांचा आदर करेल आणि तिला एखाद्या राणीसारखे जपेल. ज्योतिषशास्त्रानुसार, एखाद्या व्यक्तीचा स्वभाव हा त्याच्या राशीवर अवलंबून असतो. 12 राशींपैकी काही राशींचे पुरुष हे 'परफेक्ट हसबंड मटेरियल' मानले जातात.

हे पुरुष केवळ जबाबदार नसतात, तर आपल्या पत्नीच्या आनंदासाठी कोणत्याही थराला जाऊ शकतात. व्हॅलेंटाईन वीकच्या पार्श्वभूमीवर, आपल्या पतीची रास या 'भाग्यशाली' यादीत आहे का, हे जाणून घेणे रंजक ठरेल.

जेव्हा एखाद्या राशीचा स्वामी शुक्र किंवा चंद्र असतो, तेव्हा त्या व्यक्तीमध्ये संवेदनशीलता आणि प्रेम करण्याची वृत्ती अधिक असते. 'क्वीन ट्रीटमेंट' देणारे पती आपल्या पत्नीच्या लहान-लहान गरजांची काळजी घेतात, न सांगता तिचे मन वाचतात आणि घरगुती निर्णयात तिला बरोबरीचा दर्जा देतात. त्यांच्यासाठी पत्नी केवळ जोडीदार नसून ती त्यांच्या आयुष्याची केंद्रबिंदू असते.

वृषभ - स्थिर आणि रोमँटिक: वृषभ राशीचा स्वामी 'शुक्र' आहे, जो प्रेम आणि वैभवाचा कारक आहे. या राशीचे पुरुष खूप स्थिर आणि विश्वासू असतात. ते बोलण्यापेक्षा कृतीवर जास्त विश्वास ठेवतात. आपल्या पत्नीला भौतिक सुखसोयी आणि आर्थिक सुरक्षा देण्यात ते आघाडीवर असतात. ते आपल्या पत्नीला नेहमी 'सरप्राईज' देऊन खुश ठेवण्याचा प्रयत्न करतात.

कर्क - भावनिक आणि काळजी घेणारे: कर्क रास ही चंद्राची रास असून हे पुरुष अत्यंत हळवे आणि कौटुंबिक प्रवृत्तीचे असतात. पत्नीचा चेहरा पाहून तिला काय हवे आहे, हे ओळखण्याची कला त्यांना अवगत असते. त्यांच्यासाठी कुटुंब प्रथम असते. पत्नीच्या प्रत्येक सुख-दुःखात ते खंबीरपणे पाठीशी उभे राहतात आणि तिला भावनिक आधार देतात.

तूळ - संतुलित आणि आदर देणारे: तूळ राशीचे पुरुष नातेसंबंधात समतोल राखण्यासाठी ओळखले जातात. हे पुरुष आपल्या पत्नीला नेहमी बरोबरीचा मान देतात. कोणताही महत्त्वाचा निर्णय घेताना ते पत्नीचा सल्ला घेतल्याशिवाय पुढे जात नाहीत. वाद टाळणे आणि शांततेने प्रश्न सोडवणे हा त्यांचा मोठा गुण आहे, ज्यामुळे पत्नीला नेहमी सन्मानित वाटते.

मीन - निस्वार्थी प्रेमी: मीन राशीचे पुरुष अत्यंत स्वप्नाळू आणि रोमँटिक असतात. आपल्या पत्नीसाठी जगणे हेच ते आपले ध्येय मानतात. त्यांच्या प्रेमात अजिबात दिखाऊपणा नसतो. ते आपल्या पत्नीच्या स्वप्नांना पूर्ण करण्यासाठी स्वतःची ओढ सोडून देतात. पत्नीची प्रत्येक छोटी गोष्ट लक्षात ठेवण्यात त्यांचा हात कोणीही धरू शकत नाही. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)