Uric Acid Control : युरिक अ‍ॅसिडवर नियंत्रण ठेवायचंय? मग 'हे' फळ खाणं टाळा, टळेल त्रास..

उन्हाळा म्हणजे आंब्याचा हंगाम. या मोसमात लोक भरपूर आंबे खातात. आंबा हे हंगामी फळ असून त्याचे सेवन अनेक प्रकारे फायदेशीर आहे. पण, एक प्रश्न असा आहे की <a href="https://news18marathi.com/photogallery/lifestyle/mango-pickle-benefits-eat-homemade-mango-pickle-for-boosting-immunity-and-digestion-mhpj-1188667.html">आंबा खाणे</a> युरिक अ‍ॅसिडच्या रुग्णांसाठीही चांगले आहे का?

आंब्यामध्ये फायबरचे प्रमाण चांगले असते आणि यूरिक अ‍ॅसिड हा खराब चयापचयशी संबंधित आजार आहे. पोषणतज्ञांच्या मते, आंब्यात साखरेचे प्रमाण जास्त असते आणि त्यामुळे ते शरीरातील रक्तातील साखर वाढवू शकते.

अशा परिस्थितीत, जेव्हा तुम्ही आंब्याचे भरपूर सेवन करता तेव्हा फ्रुक्टोज तुमच्या रक्तातील साखर वाढवतेच पण युरिक अ‍ॅसिडची पातळी देखील वाढवते. जास्त युरिक अ‍ॅसिड असलेल्या रुग्णाने आंबा खाल्ल्याने सूज आणि वेदना होण्याची समस्या वाढू शकते.

जर तुम्हाला यूरिक अ‍ॅसिडची समस्या असेल तर तुम्ही आंब्याचे सेवन मर्यादित प्रमाणात करावे. आठवड्यातून दोनदाच आंबा खा, तोही कमी प्रमाणात. दररोज मोठ्या प्रमाणात खाणे हानिकारक असू शकते.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)