सोने 80 हजारांवर येणार, पण किती महिने वाट पाहावी लागेल? तारीखच नोट करून घ्या

विश्लेषक मानतात की, सध्याच्या महिन्यात सोन्याच्या किंमती वाढण्यामागेर सर्वात मोठा हात आंतरराष्ट्रीय आर्थिक अस्थिरता आणि जगभरातील केंद्रीय बँकांद्वारे केलेल्या अंधाधुंद खरेदीचा आहे.

आकड्यांविषयी बोलायचं झाल्यास ब्रिक्स (BRICS) देश - ब्राझिल , रशिया, भारत, चीन आणि दक्षिण अफ्रीकाने गेल्या सहा महिन्यात जगभरात एकूण झालेल्या सोन्याच्या खरेदीचा जवळपास 50% भाग एकट्यांनी खरेदी केला आहे. या देशांची रणनीती अमेरिकी डॉलरवरील आपलं अवलंबित्व कमी करण्याची होती. त्यामुळे आंतरराष्ट्रीय बाजारात सोन्याची मागणी आणि किंमत दोन्हीमध्ये मोठी वाढ झाली.

तज्ज्ञांचे म्हणणे आहे की, जागतिक भूराजकीय परिस्थिती वेगाने बदलत आहे, ज्याचा थेट परिणाम सोन्याच्या किमतींवर होणार आहे. अमेरिका आणि रशियामधील सुरू असलेल्या तणावामुळे, रशियाने आंतरराष्ट्रीय व्यापारात अमेरिकन डॉलरचा वापर मोठ्या प्रमाणात सोडून दिला आहे आणि केवळ सोन्याचे साठे वाढवण्यावर लक्ष केंद्रित केले आहे. तसंच, अलिकडच्या रिपोर्टवरुन असे दिसून येते की रशिया आपली रणनीती बदलू शकतो आणि पुन्हा डॉलरचा वापर वाढवू शकतो, जो सोन्याच्या किमतींसाठी एक मोठा टर्निंग पॉइंट असेल.

रशिया आंतरराष्ट्रीय व्यापारात आपले पाय रोवण्यासाठी पुन्हा डॉलरला प्राथमिकता देत असेल. तर तो आपल्या विशाल सोन्याच्या भांडाराला विकू शकतो. रशियाने आपल्या भंडारातून सोन्याची विक्री सुरु केली तर आंतरराष्ट्रीय बाजारात सोन्याची आपूर्ती अचानक आणि मोठ्या प्रमाणात वाढेल. ज्यामुळे किंमतींमध्ये मोठी घसरण येऊ शकते.

सोन्याच्या किंमतीत संभाव्य घसरणीचा एक आणखी मोठा कारण रशिया-यूक्रेन युद्धाची स्थितीशी संबंधित आहे. बाजारातील तज्ज्ञ मानतात की हे युद्ध व्यापार करार किंवा राजनैतिक वाटाघाटींद्वारे संपले तर जागतिक बाजारपेठेतील अनिश्चिततेचे ढग दूर होतील. ऐतिहासिकदृष्ट्या, ज्यावेळी जगात शांतता आणि स्थैर्य परत आल्या आहेत तेव्हा सोन्याच्या किमती कमी झाल्या आहेत.

गेल्या काही महिन्यांमध्ये चीन, भारत, ब्राझील आणि दक्षिण अफ्रीकेने सोन्याची खरेदी वाढवली होती. मात्र संकेत आहेत की, आता हे देश आपली खरेदी कमी करु शकतात. या मोठ्या खरेदीदारांकडून मागणीमध्ये कमी आली तर बाजारात सोन्याच्या किमंतीत मोठा दबाव निर्माण होईल आणि ही ती स्थिती असेल ज्यावेळी सोनं आपल्या उच्च स्तरावरुन वेगाने खाली येईल.

Bloomberg ने एक चकीत करणारा अंदाज वर्तवला आहे. ते म्हणजे भारतात सोन्याच्या किंमती येत्या काळात 70,000 ते 80,000 रुपये प्रति 10 ग्रामपर्यंत येऊ शकतात. विश्लेषकांचा तर्क आहे की, ही घसरण अचानक एका रात्रीत येणार नाही. तर आंतरराष्ट्री परिस्थिती बदलण्यासह हळुहळू खाली येतील. जानकार मानतात की, 2027 च्या अखेरीपर्यंत स्थिरता आल्यावर सोन्याच्या किंमती 80,000 रुपयांच्या स्तराच्या आसपास जाऊन टिकू शकतात.

खरंतर बाजारातील पंडित असाही इशारा देतात की, सोनं एक असं धातू आहे. जो आंतराराष्ट्रीय संकटांनी प्रभावित होतो. यामुळे ज्यावेळी किंमती वास्तवात खाली येत नाहीत. तोपर्यंत, सामान्य खरेदीदारांनी त्यांच्या खरेदीचे नियोजन अतिशय काळजीपूर्वक आणि बाजारातील ट्रेंड समजून घेतल्यानंतर करावे जेणेकरून ते जास्त किमतीत अडकू नयेत.

सध्या संपूर्ण जगाच्या गुंतवणूकदारांना आणि सामान्य खरेदीदारांच्या नजरा या रशिया, अमेरिका आणि ब्रिक्स देशाच्या पुढील हालचालींवर आहे. डॉलर पुन्हा मजबूत झाला आणि युद्ध संपलं तर सोनं निश्चितच कोसळू शकतं. मात्र तणाव आणखी वाढला तर सोन्याची ही चमक येत्या काळात आणखी वेगवान होऊ शकते.