गैरप्रकारांना बसणार आळा, रेशन व्यवस्थेत मोठा बदल, कागदी रेशनकार्ड आता होणार इतिहासजमा

पुणे : रेशनकार्ड हा नागरिकांसाठी अत्यंत महत्त्वाचा दस्तऐवज मानला जातो. विविध शासकीय योजनांसाठी अर्ज करताना रेशनकार्ड आवश्यक ठरते. मात्र पारंपरिक कागदी रेशनकार्डांमुळे बनावट नोंदी, डुप्लिकेट लाभार्थी आणि इतर गैरप्रकार वाढल्याचे समोर आले आहे. या प्रकारांना आळा घालण्यासाठी प्रशासन आता ॲक्शन मोडमध्ये आले असून सार्वजनिक वितरण व्यवस्थेत पारदर्शकता आणि आधुनिकता आणण्याचा निर्णय घेतला आहे. यासाठी लवकरच स्मार्ट रेशन कार्ड योजना राबवण्यात येणार आहे. फेब्रुवारीनंतर स्मार्ट रेशन कार्ड वाटप सुरू होणार असून बोगस प्रकारांना आळा बसेल, अशी माहिती प्रशासनाने दिली आहे.