Aadhaar Card वरील मोबाईल नंबर बदलायचाय? घरबसल्या होईल काम, फॉलो करा या स्टेप्स

Aadhaar Mobile Number Update: प्रत्येक भारतीयाकडे आधार कार्ड असतं. हे अत्यंत महत्त्वाचं डॉक्यूमेंट आहे. यामुळे यावरील माहिती ही अपडेटेड असायलाच हवी. कारण प्रत्येक कामासाठी आता ते आवश्यक आहे. याला लिंक असलेल्या मोबाईल नंबरही तेवढाच महत्त्वाचा असतो. काही काळापूर्वी आधार कार्ड अपडेट करायला आधार सेंटरला भेट द्यावी लागायची. पण आता सर्वच ऑनलाइन झालंय. तुम्ही घरबसल्या अॅपच्या माध्यमातून मोबाईल नंबर अपडेट करू शकता.

नव्या फीचरने झाला फायदा : यूनिक आयटेंडिफिकेशन अथॉरिटी ऑफ इंडियाने नुसतेच आधार अॅप अपडेट केलेय. याच्या मदतीने यूझर्स घरबसल्या आधार कार्डमध्ये आपला मोबाईल नंबर अपडेट करू शकतात. यासाठी कोणत्याही रांगेत उभं राहायची गरज राहणार नाही.

जे लोक आधार सेंटरपासून दूर राहतात किंवा ज्यांच्याकडे आधार सेंटरमध्ये जाण्यासाठी वेळ नाही. आता ते लोक घरबसल्या अँड्रॉइड किंवा आयफोनने क्षणार्धात मोबाईल नंबर अपडेट करू शकतात.

कसं अपडेट करावं आधार नंबर? : सर्वात आधी फोनमध्ये आधार अॅप इंस्टॉल करा. आधार अॅप इंस्टॉल्ड असेल तर याचं लेटेस्ट व्हर्जन अपडेट करा. यानंतर अॅप ओपन करा आणि मोबाईल नंबर अपडेट ऑप्शनवर टॅप करा. येथे ओटीपीच्या माध्यमातून नंबर व्हेरिफाय केला जाईल. यानंतर फेस ऑथेंटिकेशन होईल, ज्यामध्ये अॅप तुमच्या चेहऱ्याला स्कॅन करेल. फेस व्हेरिफिकेशननंतर डेमोग्राफिक अपडेटसाठी 75 रुपये फीस द्यावी लागेल. पेमेंट झाल्यानंतर तुमचा अपडेटेड नंबर डेटाबेसमध्ये सेव्ह होईल.

नव्या फोनमध्ये प्री-इंस्टॉल्ड करू शकता आधार अॅप : काही दिवसांपूर्वी वृत्त होते की, सरकार सर्व नवीन फोनमध्ये आधार अॅप फ्री प्रीलोड करु इच्छितात. सरकारला वाटते की, यूझर्सला अॅप डाउनलोड करायची गरज पडू नये. सरकारच्या या प्रस्तावाचा अॅपल, गूगल आणि सॅमसंग सारख्या कंपन्या विरोध करताय.