PMAY Online Registration: पहिल्यांदा घर घेणाऱ्यांना सरकार देणार 120000 रुपयांचं गिफ्ट, कसा करायचा अर्ज

तुमच्या स्वप्नातलं घर आता अगदी सहज पूर्ण होणार यासाठी सरकारही मदत करणार आहे. सरकारची ही मदत मिळवण्यासाठी तुम्हाला ऑनलाईन अर्ज करावा लागणार आहे. पंतप्रधान आवास योजना अंतर्गत ग्रामीण भागातील गरीब आणि गरजू कुटुंबांसाठी आता पक्क्या घराचं स्वप्न पूर्ण करणे खूप सोपं झालं आहे.

केंद्र सरकारने या महत्त्वाकांक्षी योजनेसाठी ऑनलाईन नोंदणी प्रक्रिया सुरू केली. यामुळे लाभार्थी कुटुंबांना स्वतःचे घर बांधण्यासाठी थेट केंद्र सरकारकडून आर्थिक मदत मिळणार आहे. ही योजना मुख्यतः आर्थिकदृष्ट्या दुर्बळ घटक , अल्प उत्पन्न गट आणि मध्यम उत्पन्न गटातील कुटुंबांसाठी आहे.

कोणत्याही प्रकारचा आर्थिक बोजा न घेता प्रत्येक कुटुंबाला आपले हक्काचे पक्के घर मिळावे, हे या योजनेचे मुख्य उद्दिष्ट आहे. PMAY-G (ग्रामीण) योजने अंतर्गत लाभार्थ्यांना त्यांच्या बँक खात्यात थेट १.२० लाख पर्यंतची आर्थिक मदत दिली जाते.

याशिवाय, घर बांधणीसाठी लागणाऱ्या कर्जावर सबसिडी आणि बांधकाम साहित्याच्या उपलब्धतेसाठीही मदत पुरवली जाते. सरकारची ही योजना ग्रामीण आणि शहरी दोन्ही क्षेत्रांत प्रभावीपणे राबवली जात आहे. ऑनलाईन अर्ज करण्यासाठी लाभार्थ्यांना pmaymis.gov.in या अधिकृत पोर्टलवर जाऊन नोंदणी करावी लागते.

अर्ज भरताना आधार कार्ड, उत्पन्नाचा दाखला आणि मालमत्तेचे आवश्यक दस्तऐवज (डॉक्युमेंट्स) ऑनलाईन अपलोड करावे लागतात. अर्ज करण्याची ही प्रक्रिया अतिशय सोपी असून, ती अगदी घरबसल्या संगणक किंवा मोबाईलवरूनही सहज पूर्ण करता येते. ज्या कुटुंबांना इंटरनेटची सुविधा उपलब्ध नाही, त्यांच्यासाठी कॉमन सर्व्हिस सेंटर (CSC) आणि बँकेच्या शाखांमध्ये ऑफलाईन अर्ज करण्याचा पर्यायही सरकारने उपलब्ध करून दिला आहे.

अर्ज जमा झाल्यानंतर अधिकारी कुटुंबाच्या पात्रतेची तपासणी करतात आणि कागदपत्रे बरोबर असल्यास लाभार्थीची निवड केली जाते. सरकारकडून केवळ अनुदानच नाही, तर कमी व्याज दरात कर्ज मिळण्याची सुविधाही दिली जाते, ज्यामुळे घर बांधणे अधिक सुलभ होते.

केंद्र सरकारने ग्रामीण गृहनिर्माण योजना अधिक लोकांपर्यंत पोहोचण्यासाठी घरोघरी जाऊन सर्वेक्षण करत आहे. प्रधानमंत्री आवास योजना-ग्रामीण (PMAY-G) ही भारतातील लाखो गरीब कुटुंबांसाठी हक्काचे घर मिळवण्याची एक सुवर्णसंधी आहे. जर तुम्ही या योजनेसाठी पात्र असाल, तर लवकरात लवकर ऑनलाईन किंवा ऑफलाईन माध्यमातून अर्ज करा आणि तुमच्या घराचे स्वप्न प्रत्यक्षात साकार करा.