Weather Alert: राज्यात पाऊस आता आणखी वाढणार, 16 जिल्ह्यांना हवामान खात्याचा अलर्ट

गेले काही दिवस राज्यातील विविध भागांत जोरदार पाऊस झाल्याचं बघायला मिळालं. 21 जून रोजीही राज्यातील काही जिल्ह्यांत मुसळधार पावसाची शक्यता हवामान विभागानं वर्तवली आहे.

गेल्या काही दिवसांच्या तुलनेत 21 जून रोजी पावसाचा जोर कमी राहणार असल्याची माहिती हवामान विभागानं दिली आहे. तरीही राज्यातील काही भागांत मुसळधार पावसाची शक्यता असल्यानं पावसाचा यलो अलर्ट जारी करण्यात आला आहे. पाहुयात, 21 जून रोजी राज्यातील हवामानाची स्थिती कशी असेल.

21 जून रोजी मुंबईत सामान्यतः ढगाळ आकाश राहून मध्यम स्वरूपाच्या पावसाची शक्यता आहे. कोकण विभागातील ठाणे, रायगड, रत्नागिरी, सिंधुदुर्ग या सर्व जिल्ह्यांत मुसळधार पावसाची शक्यता वर्तवण्यात आली आहे. या जिल्ह्यांना पावसाचा यलो अलर्ट जारी करण्यात आला आहे. पुण्यात सामान्यतः ढगाळ आकाश राहून मध्यम स्वरूपाच्या पावसाची शक्यता आहे.

पश्चिम महाराष्ट्रातील पुणे घाटमाथा आणि सातारा घाटमाथा या ठिकाणी मुसळधार पावसाची शक्यता वर्तवण्यात आली आहे. या दोन्ही ठिकाणी पावसाचा यलो अलर्ट जारी करण्यात आला आहे.

छत्रपती संभाजीनगरमध्ये अंशतः ढगाळ वातावरण राहून ढगांच्या गडगडाटासह मध्यम स्वरूपाच्या पावसाची शक्यता वर्तवण्यात आली आहे. छत्रपती संभाजीनगर, जालना, बीड, लातूर या सर्व जिल्ह्यांत विजांच्या कडकडाटासह आणि वादळी वाऱ्यासह पावसाची शक्यता वर्तवण्यात आली आहे. या जिल्ह्यांना पावसाचा यलो अलर्ट जारी करण्यात आला आहे. मराठवाड्यातील इतर उर्वरित जिल्ह्यांत हलक्या ते मध्यम स्वरूपाच्या पावसाची शक्यता आहे.

नाशिकमध्ये सामान्यतः ढगाळ आकाश राहून हलक्या पावसाची शक्यता वर्तवण्यात आली आहे. उत्तर महाराष्ट्रातील इतर उर्वरित जिल्ह्यांत हलक्या ते मध्यम स्वरूपाच्या पावसाची शक्यता आहे.

नागपूरमध्ये सामान्यतः ढगाळ आकाश राहून ढगांच्या गडगडाटासह पावसाची शक्यता आहे. विदर्भातील अमरावती, भंडारा, चंद्रपूर, गडचिरोली, गोंदिया, यवतमाळ या सर्व जिल्ह्यांत ढगांच्या गडगडाटासह पावसाची शक्यता आहे. यासर्व जिल्ह्यांना पावसाचा यलो अलर्ट जारी करण्यात आला आहे. विदर्भातील इतर उर्वरित जिल्ह्यांत कुठलीही पावसाची शक्यता नाही. 21 जून रोजी महाराष्ट्रातील बहुतांश भागांत मध्यम ते मुसळधार पावसाची शक्यता असून काही जिल्ह्यांमध्ये हवामान विभागाने यलो अलर्ट जारी केला आहे. त्यामुळे नागरिकांनी सतर्कता बाळगणे गरजेचे आहे.