Indian Cricket team : बीसीसीआयने पेटारा उघडला, टीम इंडियाच्या खेळाडूंची मॅच फी झाली डबल, 11 खेळाडूंना किती पैसे मिळणार?

नवी मुंबईच्या डीवाय पाटील स्टेडियमवर भारतीय वुमेन्स टीमने इतिहास रचला अन् वर्ल्ड कपला गवसणी घातली. अशातच आता बीसीसीआय या कामगिरीवर खुश असल्याचं पहायला मिळतंय.

कॅप्टन हरमनप्रीत कौरच्या नेतृत्वाखील पोरींनी कमाल केली अन् आता बीसीसीआयने वूमन्स क्रिकेटसाठी मोठा निर्णय घेतलाय. देशांतर्गत क्रिकेटमध्ये पुरुषांप्रमाणे महिला क्रिकेटपटूंनाही समसमान मॅच फी मिळणार आहे.

बीसीसीआयने महिला क्रिकेटपटू आणि सामनाधिकारी यांच्या मॅच फीमध्ये तब्बल दुप्पटीपेक्षा जास्त वाढ करण्याचा निर्णय घेतलाय. वनडे आणि मल्टी डे मॅचेससाठी मोठी रक्कम देण्याचं ठरवलं आहे.

वनडे आणि मल्टी डे मॅचेससाठी एका दिवसासाठी 50 हजार रुपये मिळणार आहेत. तर राखीव खेळाडूंना 25 हजार रुपये मानधन मिळेल. तसेच टी-20 सामन्यासाठी 25 हजार रुपये मिळेल. तर 12 हजार रुपये राखीव खेळाडूंना मिळतील.

बीसीसीआय याआधी प्लेइंग ईलेव्हनमधील खेळाडूंना 20 तर इतर खेळाडूंना 10 हजार रुपये मानधन देत होतं. तसेच ज्युनिअर क्रिकेट स्पर्धेतील महिला खेळाडूंना प्रतिदिन 25 हजार रुपये मानधन मिळेल.

फक्त प्लेयर्सच नाही तर मॅच रेफरीच्या मानधनात देखील वाढ करण्यात आलीये. शांतर्गत स्पर्धेतील साखळी फेरीतील क्रिकेट सामन्यासाठी प्रतिदिन 40 हजार रुपये मिळेल.

दरम्यान, रणजी ट्रॉफी स्पर्धेतील साखळी फेरीतील एका सामन्यासाठी 1 लाख 60 हजार तर बाद फेरीतील सामन्यासाठी अडीच ते 3 लाख रुपये देण्यात येणार आहेत.