Valentine’s Dayला अ‍ॅक्टिव्ह असतात स्कॅमर्स! होऊ शकतात हे 5 स्कॅम्स, राहा अलर्ट

Valentine’s Day हा प्रेमाचा स्पेशल दिवस मानला जातो. प्रेम आणि नात्याचं महत्त्व सांगणारा हा दिवस असतो. तरुण-तरुणींमध्ये तर व्हॅलेंटाइन डेची खुप जास्त क्रेझ असते. मात्र या दरम्यान ऑनलाइन स्कॅमर्सही सर्वात जास्त अॅक्टिव्ह होतात. स्कॅमर्सना माहिती असतं की, या काळात लोक भावनात्मक रित्या जास्त गुंतवलेले असतात. अशा वेळी ते मनमोकळा खर्च करतात आणि सहज कशावरही विश्वास ठेवतात. याच कारणामुळे 14 फेब्रुवारी जवळ येताच रोमान्स, गिफ्ट आणि ऑफर्सच्या नावावर ऑनलाइन फसवणुकीचे प्रकरणं वेगाने वाढतात.तुम्ही थोडीही सावधगिरी बाळगली नाही, तर तुम्हाला या दिवशी आनंदाऐवजी मानसिक आणि आर्थिक नुकसानाचा सामना करावा लागू शकतो.

रोमान्स स्कॅमर्स - व्हॅलेंटाईन डे मधील सर्वात सामान्य आणि धोकादायक घोटाळा म्हणजे रोमान्स स्कॅम आहे. तो बऱ्याचदा डेटिंग अॅप्स किंवा सोशल मीडियावर सुरू होतो. ती व्यक्ती प्रेम आणि खोल नात्याबद्दल बोलू लागते, परंतु भेटणे किंवा व्हिडिओ कॉलिंग टाळते. काही दिवसांनी, ते अचानक आपत्कालीन इमर्जेंसीचे कारण देऊन पैसे मागतात.तुम्ही पैसे पाठवताच समोरच्या व्यक्तीच्या मागण्या वाढतात किंवा मग ती व्यक्तीच गायब होते. लक्षात ठेवा, ज्या व्यक्तीला तुम्ही कधी खऱ्या आयुष्यात भेटलेला नाहीत, त्यांना कधीच पैसे किंवा गिफ्ट कार्ड पाठवू नका.

फेक गिफ्ट किंवा फ्लॉवर डिलिव्हरी मेसेज- व्हॅलेंटाईन डेच्या आधी अनेक लोकांना असे मेसेज किंवा ईमेल येतात ज्यात त्यांच्याकडे एक सरप्राईज गिफ्ट किंवा फुले असल्याचा दावा केला जातो. ते त्यांना लिंकवर क्लिक करण्यास सांगतात किंवा डिलिव्हरीसाठी थोडे पैसे भरण्यास सांगतात. या लिंक्स अनेकदा फसव्या असतात आणि तुमची पर्सनल किंवा बँकिंग माहिती चोरतात. तुम्ही काहीही ऑर्डर केले नसेल, तर या मेसेजकडे दुर्लक्ष करा.

बनावट ऑनलाइन शॉपिंग वेबसाइट : या काळात ज्वेलरी, परफ्यूम, चॉकलेट आणि वॉचवर मोठं डिस्काउं देणाऱ्या फेक वेबसाइट्सही समोर येतात. या साइट्स प्रोफेशनल दिसतात, मात्र ऑर्डर केल्यानंतर ते साहित्य येत नाही किंवा मग खुप खराब क्वालिटीचे असते. खरेदी करताना पहिले वेबसाइटच्या बाहेर रिव्ह्यू अवश्य चेक करा.

Valentine’s गिवअवे स्कॅम : सोशल मीडियावर फ्री डिनर, ट्रिप किंवा महागडे गिफ्ट जिंकण्याचा दावाही स्कॅम असू शकतो. यामध्ये तुमची माहिती किंवा पैसे दोन्हीही घेऊन टाकले जातात. तुम्ही कोणत्याही कॉन्टॅस्टमध्ये भाग घेतला नसेल तर तुम्ही विजेताही नसता. हे अवश्य लक्षात ठेवायला हवे.

इम्पर्सोनेशन स्कॅम : स्कॅमर तुमच्या ओळखीच्या व्यक्ती, ब्रँड किंवा सेलिब्रिटी असल्याचे भासवून मेसेज पाठवू शकतात. पैसे पाठवण्यापूर्वी नेहमी कॉल करून किंवा दुसऱ्या प्लॅटफॉर्मचा वापर करून कंफर्म करा.

थोडीशी काळजी घेतल्यास तुम्ही मोठ्या नुकसानापासून वाचू शकता. जर एखादी ऑफर घाईघाईने, गुप्तपणे किंवा "खूपच चांगली" वाटत असेल, तर थांबा आणि तपास करा. या Valentine’s Dayला, स्वतःचे रक्षण करणे हेच अंतिम सेल्फ-लव्ह आहे.