पुणे-सोलापूर महामार्गावरील ते हॉटेल; रात्री अचानक पोहोचले पोलीस, महिला अन् 15 पाकिटं, आतलं दृश्य पाहून खळबळ

पोलीस निरीक्षक विलास नाळे यांना मिळालेल्या गोपनीय माहितीनुसार, ही कारवाई करण्यात आली. ३ एप्रिल रोजी रात्री नऊ वाजण्याच्या सुमारास इंदापूर पोलिसांच्या पथकाने या हॉटेलवर छापा टाकला. यावेळी त्या ठिकाणी स्त्रिया आणि मुलींकडून अनैतिक देहव्यापार करून घेतला जात असल्याचे निष्पन्न झाले.

पुण्यातील नामांकित कॉलेजजवळ देहविक्री रॅकेट, लॉजवर सुरू होता धक्कादायक प्रकार, 4 तरुणींची सुटका

advertisement

या कारवाईदरम्यान पोलिसांनी घटनास्थळावरून रोख रक्कम आणि इतर आक्षेपार्ह साहित्य जप्त केले आहे. महिला पोलीस हवालदारांनी तेथील महिला एजंटची झडती घेतली असता तिच्याकडे २,००० रुपये रोख मिळून आले. पोलिसांनी एकूण ३,३७५ रुपयांचा मुद्देमाल या कारवाईत हस्तगत केला आहे.

गुन्हा दाखल

महिला पोलीस फौजदार शुभांगी खंडागळे यांनी दिलेल्या फिर्यादीवरून हॉटेल मालक दीपक उर्फ ज्ञानदेव सिताराम ढवळे आणि संबंधित महिला एजंट यांच्यावर 'अनैतिक व्यापार प्रतिबंधक अधिनियम १९५६' च्या कलम ४ आणि ५ नुसार गुन्हा दाखल करण्यात आला आहे. पोलीस निरीक्षक विलास नाळे या प्रकरणाचा अधिक तपास करत आहेत. मात्र, पुणे सोलापूर महामार्गावरील हॉटेलमध्ये सुरू असलेल्या या प्रकरामुळे एकच खळबळ उडाली आहे.