TRENDING:
कारेगावच्या सरपंच निर्मला नवलेंना हरवल्यानंतर भाजपच्या उमेदवाराकडून कारेगाव ग्रामपंचायतीसमोर मोठ्या प्रमाणावर नोटा उधळल्याचा दावा केला जात आहे. या व्हिडिओमध्ये ग्रामपंचायत कार्यालयाबाहेर मोठ्या संख्येने कार्यकर्त्यांची गर्दी जमलेली दिसते. हे कार्यकर्ते आपल्या उमेदवाराच्या विजयाचा जल्लोष करत असून त्यांच्या अंगावर गुलाल उधळलेला दिसतो. जल्लोष सुरू असतानाच अचानक ग्रामपंचायत कार्यालयाच्या दारात मोठ्या प्रमाणावर चलनी नोटा उधळण्यात आल्याचे या व्हिडिओत स्पष्टपणे दिसते. त्याच वेळी कार्यकर्ते जोरदार घोषणाबाजी करत आहेत.
advertisement
स्थानिक राजकारणात मोठी खळबळ
कारेगाव ग्रामपंचायतीबाहेर जल्लोष साजरा करणारे कार्यकर्ते पंचायत समिती कारेगाव गणातून विजयी झालेल्या भाजपच्या उमेदवार मनिषा पाचंगे यांचे असल्याचा दावा केला जात आहे. तसेच उमेदवाराकडूनच ग्रामपंचायत कार्यालयासमोर पैसे उधळण्यात आल्याचा आरोपही करण्यात येत आहे. या व्हिडिओमुळे स्थानिक राजकारणात मोठी खळबळ उडाली आहे.
शिरूर तालुक्यातील कारेगाव गणात राष्ट्रवादी काँग्रेस (अजित पवार गट) कडून उमेदवारी मिळालेल्या निर्मला नवले यांचा भाजपच्या मनीषा पाचंगे यांनी 393 मतांनी पराभव केला. नवले यांना 6500, तर पाचंगे यांना 6693 मते मिळाली. सोशल मीडियावर प्रचंड हवा असूनही पराभव पत्करावा लागल्याने अनेक चर्चांना उधाण आले आहे. कारेगावमधील या घडामोडींमुळे संपूर्ण जिल्ह्यात राजकीय वातावरण तापले असून पुढील घडामोडींकडे सर्वांचे लक्ष लागले आहे.