Pune Crime : मयूर खुंटे प्रकरणात मोठा ट्विस्ट, कपड्यात सापडली चिठ्ठी! 24 तासापूर्वी पोलीस चौकीत काय घडलं?

मयूरला पोलीस चौकीत बेदम मारहाण

मयूरच्या वडिलांनी दिलेल्या फिर्यादीनुसार, पोलिस उपनिरीक्षक अनिल चव्हाण यांनी मयूरला पोलीस चौकीत बेदम मारहाण केली होती. या प्रकरणी अनुसूचित जाती आणि जमाती (अत्याचार प्रतिबंधक) व नागरी हक्क संरक्षण कलमांतर्गत गुन्हा नोंदवण्यात आला आहे. या आत्महत्या केल्याप्रकरणी भोर पोलिस ठाण्यात उपनिरीक्षक अनिल चव्हाण, संदीप सुतार आणि स्वप्नाली सुतार यांच्यावर गुन्हा दाखल करण्यात आला आहे.

advertisement

मयूरने सुसाइड नोट लिहिली

आत्महत्येपूर्वी मयूरने एक सुसाइड नोट लिहिली होती. शवविच्छेदनादरम्यान त्याच्या कपड्यांमध्ये एक चिठ्ठी सापडली. अनिल चव्हाण आणि संदीप सुतार यांच्या त्रासामुळे मी आत्महत्या करत असल्याचं या चिठ्ठीत लिहिलं आहे. त्यानंतर आंबेडकरवादी चळवळीच्या कार्यकर्त्यांनी पोलीस चौकीसमोर आंदोलन केल्यानंतर पोलिसांना अखेर कारवाई करावी लागली. पोलिसांनी 48 तासानंतर उपनिरीक्षकासह तिघांवर गुन्हा दाखल झाला. उपनिरीक्षक चव्हाण यांना निलंबित करावे, अशी मागणी आंदोलकांनी केली आहे.

मृतदेह नातेवाईकांच्या ताब्यात

दरम्यान, आंदोलन होत असताना प्रकरण तापत असल्याचं समजल्यानंतर पोलिस अधीक्षक संदीपसिंग गिल यांनी संवाद साधला अन् आंदोलकांना शांत करण्याचा प्रयत्न केला. गुन्हा दाखल झाल्यानंतर नातेवाईकांनी मृतदेह ताब्यात घेऊन रात्री उशिरा अंत्यसंस्कार केले आहेत. या प्रकरणात उपविभागीय पोलिस अधिकारी राजेंद्रसिंग गौर पुढील तपास करत आहेत.