TRENDING:
नेमका वाद काय?
मूळचा प्रयागराज येथील असलेला महंमद कुरेशी गेल्या दोन वर्षांपासून बिबवेवाडीतील एका सलूनमध्ये कामाला होता. काही दिवसांपूर्वी त्याने 'गावाला जातो' असे सांगून मालकाकडून महिनाभराची सुट्टी घेतली होती. मात्र, गावाला न जाता त्याने त्याच परिसरात आपले स्वतंत्र दुकान सुरू केले. इतकेच नाही तर, जुन्या दुकानातील ग्राहकांशी संपर्क साधून त्यांना आपल्या नवीन दुकानात येण्याचे आवाहनही त्याने केले होते.
advertisement
आपला जुना कामगार आता आपला 'स्पर्धक' बनला आहे आणि तो आपले ग्राहक पळवत आहे, ही बाब जुन्या सलून मालकाच्या जिव्हारी लागली. यावरून त्यांच्यात वादाची ठिणगी पडली. गुरुवारी सायंकाळच्या सुमारास मालक आणि त्याच्या साथीदारांनी महंमदला गाठले आणि त्याला बेदम मारहाण केली. ही मारहाण इतकी भीषण होती की, १८ वर्षांच्या या तरुणाचा जागीच जीव गेला.
या घटनेमुळं बिबवेवाडी परिसरात दहशतीचं वातावरण पसरलं आहे. भररस्त्यात किरकोळ कारणावरून तरुणाची हत्या झाल्यानं पोलिसांच्या सुरक्षेवरही प्रश्नचिन्ह उपस्थित केलं जात आहे. बिबवेवाडी पोलिसांनी याप्रकरणी गुन्हा दाखल केला असून आरोपींच्या मुसक्या आवळण्यासाठी पथके रवाना केली आहेत.