TRENDING:
नेमकी घटना काय?
मिळालेल्या माहितीनुसार, संबंधित महिला ९ फेब्रुवारी रोजी रात्री १० वाजता काचीगुडा (हैदराबाद) येथून एका खासगी ट्रॅव्हल्सने हडपसरच्या दिशेने येत होती. ती आणि तिचे पती स्लीपर सीटवर झोपलेले होते. पहाटेच्या सुमारास बसमध्ये असलेल्या निशीत कुमार यशवंत सिंग (वय ४७, रा. मिरा रोड, मुंबई) याने पीडितेच्या मनास लज्जा उत्पन्न होईल असे कृत्य केले. आरोपीच्या या अश्लील कृत्यामुळे महिला दचकून जागी झाली आणि तिने प्रसंगावधान राखून या घटनेचे आपल्या मोबाईलमध्ये व्हिडिओ चित्रीकरण केले.
advertisement
पोलिसांची 'सुपरफास्ट' कारवाई
पुण्यात पोहोचल्यानंतर पीडित महिलेने हडपसर पोलीस ठाण्यात धाव घेऊन तक्रार नोंदवली. पोलिसांनी घटनेचे गांभीर्य ओळखून तातडीने तपासाची चक्रे फिरवली. पीडितेने दिलेला व्हिडिओ पुरावा म्हणून ग्राह्य धरत पोलिसांनी आरोपी निशीत कुमारला अटक केली. हडपसर पोलिसांनी या प्रकरणी केवळ गुन्हाच नोंदवला नाही, तर २४ तासांच्या आत तपास पूर्ण करून न्यायालयात दोषारोपपत्र सादर केले आहे.
प्रवासादरम्यान महिलांच्या सुरक्षेचा प्रश्न या घटनेमुळे पुन्हा एकदा ऐरणीवर आला आहे. पोलिसांनी दाखवलेल्या या तत्परतेचे सर्वत्र कौतुक होत असले तरी, खासगी ट्रॅव्हल्समधील प्रवाशांच्या वागणुकीवर कोणाचे नियंत्रण आहे, असा सवाल उपस्थित केला जात आहे.