आधी कॅन्सरचं नाटक, मग लग्नाचं आमिष! तरुणीचं प्रतिकसोबत मोठं कांड, पुण्यातील सराफ व्यावसायिकानं दुकानातच संपवलं आयुष्य

नेमकी घटना आणि फसवणुकीचा प्रकार:

प्रतीक आणि श्रेया यांची ओळख सोशल मीडियाच्या माध्यमातून झाली होती, ज्याचे रूपांतर पुढे प्रेमसंबंधात झाले. श्रेयाने प्रतीकला लग्नाचे आश्वासन देऊन त्याचा विश्वास संपादन केला होता. या काळात प्रतीकने तिला ५० हजार रुपयांची सोन्याची अंगठी, महागडे कपडे आणि अनेक भेटवस्तू दिल्या होत्या.

'कॅन्सर'चे खोटे नाटक

advertisement

तपासात धक्कादायक बाब समोर आली आहे की, श्रेयाने स्वतःला कॅन्सर (कर्करोग) झाल्याचे खोटे सांगून प्रतीकची सहानुभूती मिळवली होती. आजारपण ठाऊक असूनही प्रतीक तिच्याशी लग्न करण्यास तयार होता. मात्र श्रेया वारंवार भेटी टाळून त्याला मानसिक त्रास देत होती. या सततच्या तणावामुळे आणि फसवणुकीच्या भावनेमुळे प्रतीकने ६ मार्च रोजी आपले जीवन संपवले.

१६ पानांच्या सुसाईड नोटमध्ये मांडली व्यथा

आत्महत्येपूर्वी प्रतीकने १६ पानांची सविस्तर सुसाईड नोट लिहिली आहे. यात त्याने श्रेयाने केलेली फसवणूक, भेटवस्तूंची मागणी आणि मानसिक छळ याबद्दल सविस्तर माहिती दिली आहे. सुरुवातीला या प्रकरणी अकस्मात मृत्यूची नोंद करण्यात आली होती. मात्र सुसाईड नोटमधील मजकूर आणि वडिलांच्या तक्रारीनंतर आता याला गुन्ह्याचे स्वरूप प्राप्त झाले आहे.