TRENDING:
नेमका प्रकार काय?
पीडित महिलेचा सिद्धेश्वर नामदेव काळभोर यांच्याशी रीतसर विवाह झाला होता. मात्र, हे वैवाहिक नाते अस्तित्वात असतानाच सिद्धेश्वर यांनी एका महिलेशी दुसरे लग्न केले. धक्कादायक बाब म्हणजे, हे लग्न लपवून न ठेवता पती आणि त्याच्या नातेवाईकांनी सोशल मीडियाच्या माध्यमातून त्याचा उघड प्रचार सुरू केला. पूनम गायकवाड यांच्या नावापुढे पतीचे नाव लावून फोटो, स्टेटस आणि पोस्ट अपलोड करण्यात आल्या, ज्यामुळे पहिल्या पत्नीची सामाजिक बदनामी झाली.
advertisement
पीडितेने दिलेल्या फिर्यादीनुसार, पती सिद्धेश्वर आणि दुसरी पत्नी यांनी तिला अश्लील मेसेज करून मानसिक त्रास दिला. इतकेच नाही तर जिल्हा परिषदेच्या प्रचारादरम्यान पूनम या सिद्धेश्वर यांच्या पत्नी असल्याचं सांगच प्रचार घरोघरी जाऊन करण्यात आला. ठिकठिकाणी लावलेले फ्लेक्स आणि व्हॉट्सॲप स्टेटस पाहून पीडितेच्या दोन मुलांच्या मनावरही गंभीर परिणाम झाला. अखेर या छळाला कंटाळून पत्नीने कायद्याचा आधार घेत पतीला आणि सासरच्यांना धडा शिकवला आहे.
१० जणांवर गुन्ह्याची टांगती तलवार
लोणी काळभोर पोलिसांनी याप्रकरणी पती सिद्धेश्वर काळभोर, दुसरी पत्नी, दीर, जाऊ आणि मावशीसह १० नातेवाईकांवर विविध कलमान्वये गुन्हा दाखल केला आहे. निवडणुकीच्या धामधुमीत हा प्रकार उघड झाल्याने राजकीय वर्तुळातही मोठी खळबळ उडाली असून, जिल्हा परिषद उमेदवाराच्या चारित्र्यावर प्रश्नचिन्ह उभे राहिले आहे.