प्रवास जलद होणार, पण पुणेकरांना 'मोठी किंमत' मोजावी लागणार; मेट्रोच्या विस्तारासाठी हजारो झाडं पाडणार!

जागेसाठी महामेट्रोची धावपळ

महामेट्रोने या वृक्षलागवडीसाठी आवश्यक असलेल्या जागेची विचारणा करण्यासाठी विविध सरकारी संस्थांना पत्रे पाठवली आहेत. पुण्यासारख्या झपाट्याने विकसित होणाऱ्या शहरात मोकळ्या जागांची मोठी टंचाई आहे. त्यामुळे 'कागदावर' ४१ हजार झाडांचा आकडा मोठा वाटत असला, तरी प्रत्यक्षात ही झाडे लावायची कुठे, असा मोठा पेच प्रशासनासमोर उभा ठाकला आहे.

जुना अनुभव धक्कादायक

advertisement

याआधी मेट्रोच्या पहिल्या दोन मार्गिकांच्या कामावेळी सुमारे २१ हजार झाडांची लागवड करण्यात आली होती. मात्र, देखभालीचा अभाव, अपुरा पाणीपुरवठा आणि नियोजनाच्या अभावामुळे यातील बहुतांश झाडे जगलीच नसल्याचे वास्तव समोर आले आहे. त्यामुळे केवळ नवीन झाडे लावल्याची आकडेवारी दाखवून पर्यावरणीय नुकसान भरून निघणार नाही, असे मत पर्यावरण तज्ज्ञांनी व्यक्त केले आहे.

प्रौढ झाडांची जागा छोटी रोपे कशी घेणार?

पर्यावरण अभ्यासकांच्या मते, मेट्रोसाठी तोडली जाणारी झाडे ही अनेक वर्षे जुनी आणि मोठी आहेत. त्यांचे पर्यावरणीय योगदान (ऑक्सिजन, सावली, जैवविविधता) नव्याने लावलेली छोटी रोपे तात्काळ भरून काढू शकत नाहीत. त्यातच पुण्यात जागेची टंचाई असल्याने विखुरलेल्या स्वरूपात लागवड झाल्यास त्यांचे संगोपन करणे महामेट्रोसाठी मोठे आव्हान ठरणार आहे.