पुण्यातील 'या' प्राईम लोकेशनवर आहेत म्हाडाची घर...
पुण्यातील वाकड परिसरात केवळ 28 लाख रुपयांत घर मिळू शकतं. ऐकून विश्वास बसणार नाही, पण ही ऑफर अगदी खरी आहे. यश्विन अर्बो सेंट्रो या नावाने ओळखला जाणारा हा प्रीमियम हाऊसिंग प्रोजेक्ट वाकडमधील भूमकर चौकाजवळ, इंदिरा गांधी कॉलेजच्या परिसरात आणि हायवे टच लोकेशनवर उभारला जात आहे. सुप्रसिद्ध विलास जावळकर ग्रुप या प्रकल्पाचा विकास करत आहे.
advertisement
या प्रकल्पात घर विक्रेत्याला 2 BHK आणि 3 BHK अशा दोन्ही प्रकारातील आकर्षक फ्लॅट्स उपलब्ध आहेत. त्यापैकी 28 घरे खास म्हाडा लॉटरी योजनेसाठी राखीव ठेवण्यात आली आहेत. म्हणजेच पुण्यातल्या प्राईम लोकेशनवर वाजवी दरात घर घेण्याची ही एकदम योग्य संधी आहे.
या प्रकल्पातील म्हाडा योजनेअंतर्गत मिळणाऱ्या फ्लॅट्सचा कार्पेट एरिया सुमारे 500 ते 600 स्क्वेअर फूट आहे. त्यांची किंमत 28.42 लाख ते 28.74 लाख रुपये दरम्यान ठेवण्यात आली आहे. याच परिसरातील इतर प्रकल्पांमधील समान फ्लॅट्ससाठी तब्बल 80 ते 90 लाख रुपये मोजावे लागतात. त्यामुळे फक्त 28 लाखांत इतक्या उत्तम लोकेशनवर घर मिळणं हे खरोखरच म्हाडाची सुवर्णसंधी म्हणता येईल.
अर्ज करण्याची प्रक्रिया कोणती?
अर्ज प्रक्रिया देखील अतिशय सोपी आहे. इच्छुकांनी म्हाडाच्या अधिकृत वेबसाइटवर https://lottery.mhada.gov.in
भेट द्यावी. येथे ''Pune Board Lottery 2025'' हा विभाग निवडल्यानंतर 'Yashwin Urbo Centro, Wakad' हा प्रकल्प दिसेल. त्यानंतर ऑनलाइन नोंदणी, अर्ज भरणे, कागदपत्रे अपलोड करणे आणि फी भरने या सर्व प्रक्रिया एकाच ठिकाणी पूर्ण करता येतात. ही प्रक्रिया पूर्णपणे डिजिटल आहे, त्यामुळे ती मोबाइल किंवा कॉम्प्युटरवरून सहज पूर्ण करता येते शिवाय या घरासाठी 20 नोव्हेंबर 2025 रोजी रात्री 11.59 वाजेपर्यंत तुम्ही अर्ज करू शकता.
एकंदरीत पाहता पुण्यासारख्या प्राईम लोकेशनमध्ये 90 लाखांचा फ्लॅट फक्त 28 लाखांत घेण्याची ही सर्व सामान्यांसाठी अतिशय फायदेशीर संधी आहे. म्हाडा लॉटरीद्वारे घर घेऊ इच्छिणाऱ्यांनी ही संधी हातातून जाऊ देऊ नये.