Pune Water Cut: पुणेकरांनो, पाणी भरून ठेवा; गुरूवारी शहरातील या महत्त्वाच्या भागांमध्ये पाणीपुरवठा पूर्णपणे बंद

नेमकी काय दुरुस्ती होणार?

वडगाव जलशुद्धीकरण केंद्रातील जलवाहिनीवर 'बंद प्लेट' बसवणे आणि तीन नवीन 'किऑस्क' बसवण्याचे तांत्रिक काम गुरुवारी केले जाणार आहे. या कामामुळे जलशुद्धीकरण केंद्रातून होणारा पंपिंगचा पुरवठा पूर्णपणे थांबवावा लागणार आहे.

पाणीपुरवठा बंद असणारा मुख्य परिसर:

सिंहगड रस्ता परिसर: हिंगणे, आनंदनगर, वडगाव, धायरी, आंबेगाव पठार, आंबेगाव खुर्द व बुद्रुक.

advertisement

सातारा रस्ता व कात्रज भाग: धनकवडी, कात्रज गावठाण, दत्तनगर, भारती विद्यापीठ परिसर, संतोषनगर, बालाजीनगर, सुखसागर नगर.

दक्षिण पुणे आणि अन्य भाग: कोंढवा बुद्रुक, येवलेवाडी, सहकारनगर २, आंबेडकरनगर, टिळकनगर, दाते स्टॉप, सच्चाई माता टाकी, वंडर सिटी, मोरेबाग, राजस सोसायटी, उत्कर्ष सोसायटी, वरखेडेनगर आणि प्रभाग ४१.

नागरिकांसाठी आवाहन:

गुरुवारी दिवसभर पाणी नसल्यामुळे आणि शुक्रवारी पाणी कमी दाबाने येणार असल्याने नागरिकांनी बुधवारीच आवश्यक पाण्याचा साठा करून ठेवावा. महापालिकेच्या या नियोजित कामामुळे होणाऱ्या गैरसोयीबद्दल प्रशासनाने दिलगिरी व्यक्त केली असून, पाणी जपून वापरण्याचे आवाहन केले आहे.