TRENDING:
पुणे विभागातील प्रमुख विकासकामे
पुणे स्थानकाची क्षमता वाढवण्यासाठी ६ नवीन फलाट उभारले जात आहेत. यासाठी सुमारे ४०० कोटी रुपयांची तरतूद करण्यात आली आहे. हडपसर येथील चौथ्या फलाटाचा विस्तार केला जाणार असून, खडकी आणि हडपसर टर्मिनलच्या विकासासाठी २०० कोटींचा निधी मंजूर झाला आहे. अमृत भारत स्टेशन योजना, या योजनेअंतर्गत पुणे विभागातील २० स्थानकांचा विकास केला जात आहे. यात लिफ्ट, एस्केलेटर आणि आधुनिक ट्रेन इंडिकेशन बोर्ड बसवले जाणार आहेत.
advertisement
महसूल आणि तिकीट तपासणीत मोठी झेप
गेल्या आर्थिक वर्षात पुणे रेल्वे विभागाने २ हजार २३८ कोटी रुपयांचा विक्रमी महसूल गोळा केला आहे. विशेष म्हणजे, तिकीट तपासणी मोहिमेतून रेल्वेला ३० कोटी रुपयांचे उत्पन्न मिळाले असून, यात ५७.५ टक्क्यांची मोठी वाढ झाली आहे. तसेच जाहिरातींच्या माध्यमातून १५.६७ कोटींची कमाई झाली आहे.
सुरक्षेसाठी हायटेक यंत्रणा
प्रवाशांच्या सुरक्षेसाठी पुणे स्थानकावर १६० आणि संपूर्ण विभागात ३८२ उच्च दर्जाचे सीसीटीव्ही कॅमेरे बसवण्यात आले आहेत. रेल्वे अपघात रोखण्यासाठी 'कवच' सुरक्षा प्रणालीची अंमलबजावणी वेगाने सुरू आहे.
पुढील वर्षभरात ही सर्व कामे पूर्ण होणे अपेक्षित असून, त्यानंतर पुणेकरांना विमानतळाप्रमाणेच रेल्वे स्थानकावरही जागतिक दर्जाच्या सुविधा मिळतील, असा विश्वास प्रशासनाने व्यक्त केला आहे.