TRENDING:
नेमकी घटना काय?
रोहितचे कुटुंब मूळचे ऊसतोडणी कामगार असून, ते सध्या सोमेश्वर कारखान्याच्या कामगार वसाहतीत वास्तव्यास आहेत. रोहितला गेल्या काही काळापासून दारूचे वाईट व्यसन लागले होते. आपल्या तरुण मुलाने व्यसन सोडावे आणि कष्ट करून आयुष्यात उभे राहावे, अशी पालकांची इच्छा होती. याच कारणावरून घरात वारंवार खटके उडत असत.
advertisement
घटनेच्या दिवशी रोहित पुन्हा व्यसनाच्या नशेत घरी आला होता. हे पाहून हताश झालेल्या पालकांनी त्याला कठोर शब्दांत समज दिली आणि राग अनावर झाल्याने त्याला मारहाण केली. पालकांचा हा ओरडा मनाला लावून घेत रोहितने रागाच्या भरात वसाहतीजवळील पाण्याच्या खाणीचा परिसर गाठला. तिथे असलेल्या लोखंडी अँगलला त्याने गळफास लावून आपले जीवन संपवले.
कामगार वसाहतीत हळहळ
ऐन उमेदीच्या काळात मुलाने असे पाऊल उचलल्याने राठोड कुटुंबावर दुःखाचा डोंगर कोसळला आहे. मुलाला सुधारण्याच्या नादात त्याच्याकडून ही टोकाची कृती घडल्याने परिसरात हळहळ व्यक्त होत आहे. या घटनेची नोंद पोलिसात झाली असून, पोलीस पुढील तपास करत आहेत.