पुण्यातील त्या कॉम्प्लेक्सच्या पहिल्या मजल्यावर नेमकं काय सुरू होतं? 2 महिला अन्.. रूममधलं दृश्य पाहून सगळेच चक्रावले

योगीराज कॉम्प्लेक्सच्या पहिल्या मजल्यावर गेल्या काही दिवसांपासून संशयास्पद हालचाली सुरू असल्याची माहिती गुन्हे शाखेच्या अनैतिक मानवी वाहतूक प्रतिबंधक कक्षाला मिळाली होती. या माहितीची खात्री करण्यासाठी पोलिसांनी एक सापळा रचला. पोलिसांनी एका पंटरला 'बनावट ग्राहक' म्हणून त्या ठिकाणी पाठवले. ग्राहकाने इशारा करताच दबा धरून बसलेल्या पथकाने रूमवर धाड टाकली.

घराबाहेर पडताना जपून! तो रस्त्यावर धावतच सुटला अन्.. नागरिक सैरावैरा धावू लागले, 33 जण जखमी, पुण्यात दहशतीचं वातावरण

advertisement

पीडितांची सुटका

पोलिसांनी छापा टाकला तेव्हा तिथे दोन महिला आढळून आल्या, ज्यांना पैशांचे प्रलोभन दाखवून या नरकात ढकलण्यात आले होते. या व्यवसायाची मुख्य सूत्रधार गौरी विकास पवळे (वय ४५) हिच्याविरोधात गुन्हा दाखल करण्यात आला आहे. गौरी पवळे ही गरजू महिलांना हेरून त्यांच्याकडून हा अनैतिक व्यापार करून घेत असल्याचे तपासात निष्पन्न झाले आहे.

याप्रकरणी उत्तमनगर पोलीस ठाण्यात अनैतिक मानवी व्यापार प्रतिबंधक कायद्यानुसार (PITA) गुन्हा दाखल करण्यात आला आहे. ही कारवाई गुन्हे शाखेच्या पथकाने अत्यंत गोपनीयरीत्या केली. रहिवासी संकुलात अशा प्रकारे व्यवसाय सुरू असल्याने स्थानिक नागरिकांमध्येही खळबळ उडाली आहे.