Pune Crime : पुण्यातील देवीच्या मंदिरात केली चोरी; चोरट्याला 24 तासात मिळालं कर्माचं फळ, काय घडलं?

नेमकी काय होती घटना?

शुक्रवारी (२० फेब्रुवारी) येरवडा येथील प्रसिद्ध यल्लम्मा देवीच्या मंदिरात ही चोरी झाली होती. देवीचा ७०० ग्रॅम वजनाचा आणि १ लाख ८४ हजार रुपये किमतीचा चांदीचा मुकुट चोराने शिताफीने चोरून नेला होता. भरवस्तीतील मंदिरात झालेल्या या चोरीमुळे परिसरात खळबळ उडाली होती आणि भाविकांमध्ये चिंतेचे वातावरण होते. याप्रकरणी लक्ष्मीनगर पोलीस ठाण्यात गुन्हा दाखल करण्यात आला होता.

advertisement

असा लागला चोरट्याचा छडा

घटनेचे गांभीर्य ओळखून वरिष्ठ पोलीस निरीक्षक रवींद्र कदम यांच्या मार्गदर्शनाखाली पोलीस पथकाने तातडीने तपासाची चक्रे फिरवली. पोलिसांनी परिसरातील सीसीटीव्ही फुटेजची कसून तपासणी केली आणि तांत्रिक विश्लेषणाच्या आधारे संशयिताचा शोध सुरू केला. सीसीटीव्हीत मिळालेल्या धागदोऱ्यांच्या आधारे पोलिसांनी शिवराम काळे याला ताब्यात घेतले. पोलिसी खाक्या दाखवताच त्याने गुन्ह्याची कबुली दिली.

भक्ती अन् कायद्याचा विजय

अवघ्या २४ तासांत मुकुट चोरणाऱ्याला अटक करून पोलिसांनी आपला दरारा सिद्ध केला आहे. मुकुट पुन्हा मंदिरात आल्याने भाविकांनी समाधान व्यक्त केले असून, पोलिसांच्या या कामगिरीचे कौतुक होत आहे. पोलिसांनी मुकुट जप्त केला असून आरोपीवर कायदेशीर कारवाई सुरू आहे.