TRENDING:
अजित पवारांच्या निधनानंतर निवडणूक प्रचाराचा नूर एकदम पालटून गेला होता. मोठ्या प्रचारसभेपेक्षा उमेदवारांनी वैयक्तिक गाठीभेटींवर भर देण्यास सुरुवात केली. सुरुवातीला प्रचारात शिवसेना उद्धव बाळासाहेब ठाकरे पक्ष आघाडीवर दिसत होता. मात्र, जसजसा प्रचार पुढे सरकाला तशी ठाकरेंची शिवसेना आणि अजित पवारांची राष्ट्रवादी काँग्रेस यांच्यात तुल्यबळ लढत असल्याचे दिसून आले. मुळशीत जिल्हा परिषदेच्या तीन गटात आणि सहा गणात निवडणूक लढणार आहे.
advertisement
जिल्हा परिषद तीन गट
- पौड
- हिंजवडी
- पिरंगुट
पुण्यात जिल्हा परिषदांचे काय आहे चित्र?
हवेली तालुक्यात जिल्हा परिषदेचे सर्वाधिक १३ गट आणि पंचायत समितीचे २६ गण होणार आहेत. तसेच जुन्नरमध्ये सात गट (१४ गण), आंबेगाव तालुक्यात पाच गट (१० गण), शिरूरमध्ये सात गट (१४ गण), खेडमध्ये सात गट (१४ गण), मावळमध्ये पाच गट (१० गण), मुळशीत तीन गट (सहा गण), दौंडमध्ये सहा गट (१२ गण), पुरंदर तालुक्यात चार गट (८ गण), वेल्हा दोन गट (४ गण), भोर ३ गट (६ गण), बारामतीमध्ये सहा गट (१२ गण) व इंदापूर तालुक्यात सात गट आणि १४ गण असणार आहेत.
तिरंगी आणि चौरंगी लढतींमुळे अनेक ठिकाणी फरक अत्यल्प असून निकाल शेवटच्या फेरीपर्यंत जाण्याची शक्यता व्यक्त होत आहे. मतमोजणी केंद्र परिसरात समर्थकांची गर्दी वाढली असून कायदा व सुव्यवस्था राखण्यासाठी पोलिस बंदोबस्त कडक ठेवण्यात आला आहे.