TRENDING:
ससूनमधील कान, नाक आणि घसा विभागाचे प्रमुख डॉ. राहुल तेलंग यांच्या नेतृत्वाखालील पथकाने बालकाची तपासणी केली. यावेळी एक्स-रेमध्ये धक्कादायक बाब समोर आली. बालकाच्या श्वासनलिकेतील मुख्य फाट्याजवळ (कॅरिना) एक कठीण वस्तू अडकली होती. हा दगड उजव्या मुख्य श्वासनलिकेपर्यंत पसरला होता. ज्यामुळे श्वसनास अडथळा निर्माण होऊन बालकाच्या जिवाला मोठा धोका निर्माण झाला होता.
advertisement
अधिष्ठाता डॉ. एकनाथ पवार आणि वैद्यकीय अधीक्षक यल्लप्पा जाधव यांच्या मार्गदर्शनाखाली ही गुंतागुंतीची शस्त्रक्रिया पार पडली. डॉ. राहुल तेलंग, भूलतज्ज्ञ विभागाच्या प्रमुख डॉ. सुरेखा शिंदे, डॉ. सुषमा आणि बालरोग विभागाच्या प्रमुख डॉ. आरती किणीकर यांच्या पथकाने अत्यंत काळजीपूर्वक हा दगड श्वासनलिकेतून बाहेर काढला. वेळेवर उपचार मिळाल्याने मोठा अनर्थ टळला असून सध्या बाळाची प्रकृती स्थिर आणि समाधानकारक असल्याची माहिती रुग्णालय प्रशासनाने दिली आहे. लहान मुले खेळताना कोणतीही वस्तू तोंडात घालतात. अशावेळी पालकांनी सतर्क राहणे किती गरजेचे आहे, हे या घटनेतून पुन्हा एकदा अधोरेखित झाले आहे.