TRENDING:
अर्जुन तेंडुलकरचा प्लेइंग 11 मध्ये समावेश?
लखनऊ सुपर जायंट्सने या सीझनची सुरुवात दिल्ली कॅपिटल्सविरुद्धच्या पराभवाने केली. या पहिल्याच मॅचमध्ये लखनऊची बॅटिंग पूर्णपणे कोलमडली होती, ज्यामुळे टीमच्या कॉम्बिनेशनवर प्रश्नचिन्ह उपस्थित झाले. ऋषभ पंतने या पराभवातून बोध घेत आता 'प्लॅन बी' तयार केला आहे. या प्लॅननुसार, टीममध्ये काही महत्त्वाचे बदल होण्याची शक्यता असून अर्जुन तेंडुलकरचा प्लेइंग 11 मध्ये समावेश करून बॉलिंग अधिक मजबूत करण्याचा विचार सुरू आहे.
advertisement
अर्जुनचा अचूक योर्कर अन् स्टंप्स उडवले
अर्जुन तेंडुलकर सध्या नेट प्रॅक्टिसमध्ये जबरदस्त फॉर्मात दिसत आहे. लखनऊ सुपर जायंट्सने शेअर केलेल्या एका व्हायरल व्हिडिओमध्ये अर्जुन अचूक योर्कर टाकून स्टम्प्स उडवताना दिसला. त्याच्या या धारदार बॉलिंगमुळे फॅन्सकडून त्याला प्लेइंग 11 मध्ये स्थान देण्याची मागणी जोर धरत आहे. त्याचा पाणी घेऊन जातानाचा एक व्हिडीओ देखील व्हायरल होतोय. हैदराबादच्या राजीव गांधी इंटरनॅशनल स्टेडियमवर एक ऑलराऊंडर म्हणून अर्जुन तेंडूलकर घातक ठरू शकतो.
जर अर्जुनला संधी मिळाली, तर...
दरम्यान, हैदराबाद विरुद्धच्या या मॅचमध्ये टॉस खूप महत्त्वाचा ठरेल. दुपारची मॅच असल्याने दवाचा (Dew) प्रभाव नसेल, पण उष्णतेचा विचार करता कॅप्टन मोठी रिस्क घेण्याच्या तयारीत आहे. जर अर्जुनला संधी मिळाली, तर तो ट्रॅव्हिस हेड आणि अभिषेक शर्मा सारख्या आक्रमक ओपनर्सना रोखण्याचे आव्हान कसे पेलतो, हे पाहणे औत्सुक्याचे ठरेल.