BCCI इन ॲक्शन मोड
टेलिकॉम एशिया स्पोर्टने दिलेल्या माहितीनुसार, बीसीसीआयने मोहसिन नक्वी यांच्याविरुद्ध आरोपांची यादी तयार केली आहे. बीसीसीआय त्यांच्या क्रीडा पदांवर राहण्याच्या पात्रतेवर प्रश्नचिन्ह उपस्थित करण्याचा विचार करत आहे. आणखी एक आश्चर्यकारक घटना म्हणजे अफगाणिस्तान क्रिकेट बोर्डाकडून या प्रकरणात बीसीसीआयला पाठिंबा दिला जात आहे. पाकिस्तान आणि अफगाणिस्तानमधील राजकीय संबंध अलिकडेच बिघडले आहेत, विशेषतः तीन अफगाण क्रिकेटपटूंच्या मृत्यूनंतर आणि लष्करी हल्ल्यानंतर. या घटनेनंतर, अफगाणिस्तान क्रिकेट संघाने पाकिस्तानसोबत ट्राय सिरीजमध्ये खेळण्यास नकार दिला.
advertisement
मोहसीन नक्वी यांचं पद जाणार?
टेलिकॉम एशिया स्पोर्टच्या मते, एका सूत्राने सांगितले की, "भारत मोहसिन नक्वी यांना (एसीसी किंवा पीसीबी अध्यक्ष) पदांपैकी एक पद सोडण्यासाठी दबाव आणेल, ज्यामध्ये बीसीसीआयला अफगाणिस्तान बोर्डाचा पाठिंबा असेल. तथापि, नक्वी कोणतेही पद सोडतील अशी शक्यता कमी आहे." या अहवालात असेही उघड झाले आहे की मोहसिन नक्वी बीसीसीआयने सादर केलेल्या युक्तिवादांना उत्तर देण्याची तयारी करत आहेत. पाकिस्तानमधील घटनात्मक सुधारणांवरील वादामुळे नक्वी 7 नोव्हेंबर रोजी होणाऱ्या आयसीसीच्या बैठकीत उपस्थित राहू शकणार नाहीत असे नुकतेच वृत्त आले होते. त्यांच्या जागी सुमैर सय्यद उपस्थित राहू शकतात. जर नक्वी बैठकीला उपस्थित राहिले तर बीसीसीआय कदाचित पहिला प्रश्न म्हणून आशिया कप ट्रॉफी उचलेल.