TRENDING:
ईशान किशनला दुखापत
प्रॅक्टिस सेशन दरम्यान भारताचा विकेटकीपर बॅटर ईशान किशनला दुखापत झाली आहे. जसप्रीत बुमराहचा एक वेगवान यॉर्कर बॉल थेट ईशानच्या डाव्या पायावर जाऊन लागला. बॉल लागताच ईशान वेदनेने विव्हळताना दिसला, ज्यामुळे काही काळ मैदानावर चिंतेचे वातावरण निर्माण झाले होते. मात्र, थोड्या वेळानंतर तो स्वतः उभा राहिला आणि त्याने पुन्हा प्रॅक्टिस सुरू केली.
advertisement
अभिषेक शर्माच्या उपलब्धतेवर प्रश्नचिन्ह
ईशान किशनने नेटमधून बाहेर जाण्यापूर्वी पुढील 5 मिनिटे बॅटिंग सुरू ठेवली, जी टीम इंडियासाठी काहीशी दिलासादायक बाब दिसली. नामीबियाविरुद्धच्या मॅचमध्ये ओपनिंगची जबाबदारी ईशानवर मोठी असेल, कारण अभिषेक शर्माच्या उपलब्धतेवर अद्याप प्रश्नचिन्ह आहे. टीम मॅनेजमेंटला आशा आहे की, ईशान या महत्त्वाच्या मॅचपूर्वी पूर्णपणे फिट होईल.
दिल्लीतील हॉस्पिटलमध्ये दाखल
तर दुसरीकडे, अभिषेक शर्माला पोटाच्या इन्फेक्शनमुळे मंगळवारी दिल्लीतील हॉस्पिटलमध्ये दाखल करण्यात आले होते. बुधवारी त्याला डिस्चार्ज मिळाला असला, तरी त्याने सराव सत्रात भाग घेतला नाही. अभिषेकच्या तब्येतीत सुधारणा होत आहे, पण त्याच्या खेळण्याबाबतचा अंतिम निर्णय मॅचच्या दिवशीच घेतला जाईल, असं तिलक वर्माने प्रेस कॉन्फरन्समध्ये सांगितलं.
अभिषेक खेळू शकला नाही, तर...
दरम्यान, भारत रविवारी पाकिस्तानविरुद्धच्या मोठ्या मॅचसाठी कोलंबोला रवाना होणार आहे, त्यामुळे अभिषेकच्या बाबतीत कोणतीही घाई केली जाणार नाही. जर अभिषेक खेळू शकला नाही, तर ओपनिंग जोडीमध्ये बदल पाहायला मिळू शकतो. भारतीय चाहत्यांचे लक्ष आता दोन्ही खेळाडूंच्या फिटनेस रिपोर्टकडे आणि संध्याकाळी होणाऱ्या या रोमांचक मॅचकडे लागलं आहे.