KKR vs Punjab मॅच होणार का नाही? 23.14 चं समीकरण ठरवणार, रहाणे-अय्यर पेपर घेऊन बसले!

सामना होणार का नाही?

कोलकात्याच्या इडन गार्डन मैदानातल्या या सामन्यासाठी हवामान खात्याने आधीच पावसाचा अलर्ट दिला होता. हवामान खात्याच्या अंदाजाप्रमाणे मॅच सुरू झाल्यानंतर 15 मिनिटांच्या आतमध्येच पावसाला सुरूवात झाली, त्यामुळे अंपायरनी सामना थांबवण्याचा निर्णय घेतला. प्रत्येकी 5-5 ओव्हरचा सामना खेळायचा असेल तर रात्री 23.14 म्हणजेच 11 वाजून 14 मिनिटांच्या आत पहिला बॉल टाकावा लागणार आहे, अन्यथा हा सामना रद्द झाल्याची घोषणा अंपायर करतील आणि दोन्ही टीमना एक-एक पॉईंट दिला जाईल.

advertisement

केकेआर विजयाच्या प्रतिक्षेत

आयपीएलच्या या मोसमात केकेआरला अजून एकही विजय मिळवता आलेला नाही. केकेआरचा मुंबई आणि हैदराबादविरुद्ध पराभव झाला. मायनस 1.964 चा नेट रनरेट आणि शून्य पॉईंट्ससह केकेआर पॉईंट्स टेबलमध्ये नवव्या क्रमांकावर आहे. तर दुसरीकडे पंजाबने 2 सामन्यांमध्ये गुजरात आणि चेन्नईवर विजय मिळवला. 4 पॉईंट्ससह पंजाब टेबलमध्ये चौथ्या क्रमांकावर आहे.

केकेआरच्या टीममध्ये दोन बदल

या सामन्यात केकेआरने त्यांच्या टीममध्ये दोन बदल केले. वरुण चक्रवर्ती आणि सुनिल नारायण यांच्याशिवाय केकेआर या सामन्यात उतरली. वरुण चक्रवर्तीला मागच्या सामन्यात कॅच पकडताना दुखापत झाली तर सुनिल नारायण आजारी असल्याचं केकेआरचा कर्णधार अजिंक्य रहाणेने टॉसवेळी सांगितलं. पंजाबने मात्र त्यांच्या टीममध्ये कोणताच बदल केलेला नाही.

पंजाबची प्लेइंग इलेव्हन

प्रभसिमरन सिंग, श्रेयस अय्यर, कुपर कॉनली, नेहल वढेरा, शशांक सिंग, मार्कस स्टॉयनिस, मार्को यानसन, झेवियर बार्टलेट, विजयकुमार वैश्यक, अर्शदीप सिंग, युझवेंद्र चहल

केकेआरची प्लेइंग इलेव्हन

फिन ऍलन, अजिंक्य रहाणे, कॅमरून ग्रीन, अंगक्रिश रघुवंशी, रोव्हमन पॉवेल, रिंकू सिंग, रमणदीप सिंग, अनुकूल रॉय, नवदीप सैनी, वैभव अरोरा, कार्तिक त्यागी