TRENDING:
चेन्नई सुपरकिंग्सने त्यांच्या सोशल मीडियावर एक व्हिडिओ शेअर केला आहे, ज्यात खेळाडूंचं ट्रेनिंग सेशन सुरू आहे. धोनी प्रॅक्टिस सेशनमध्ये टीमच्या युवा खेळाडूंचे शॉट्स जवळून पाहत आहे आणि त्यांच्या कामगिरीचं कौतुक करताना दिसत आहे. व्हिडिओमधली धोनीची रिएक्शन पाहून हे खेळाडू यंदाच्या मोसमात सीएसकेकडून सातत्याने खेळतील, असं वाटत आहे.
व्हिडिओच्या सुरूवातीला प्रशांत वीर ऑफ साईडच्या दिशेने शानदार शॉट मारताना दिसत आहे, यावर धोनी 'शॉट' अशी प्रतिक्रिया देत आहे. तर पुढच्या बॉलवर प्रशांत वीरने स्कूप शॉट खेळला, ज्यावर धोनीने बाऊंड्रीचा इशारा केला. सगळ्यात शेवटची प्रशांत वीरने जोरदार स्ट्रेट ड्राईव्ह मारला, यानंतरही धोनीने प्रशांत वीरचं कौतुक केलं.
धोनीचा प्रशांतला सल्ला
प्रशांत वीरने स्पोर्ट्सस्टारसोबत बोलताना धोनीसोबतच्या संभाषणाचा किस्सा सांगितला. धोनीने मला पैसे वाचवण्याचा सल्ला दिल्याचं प्रशांत म्हणाला. अचानक मिळालेल्या या पैशांनंतर पाय जमिनीवर ठेव, असं धोनीने मला सांगितल्याचं प्रशांत वीर म्हणाला आहे.
प्रशांत वीर उत्तर प्रदेशकडून स्थानिक क्रिकेट खेळतो. डावखुरा स्पिनर असल्यासोबतच प्रशांत वीर उत्कृष्ट बॅटरही आहे. प्रशांत वीरने आतापर्यंत 3 प्रथम श्रेणी सामने, 8 लिस्ट ए आणि 9 टी-20 मॅच खेळल्या आहेत. प्रथम श्रेणीमध्ये प्रशांतने 7 रन करून 2 विकेट घेतल्या. ऑलराऊंडर म्हणून प्रशांतने स्वत:ची वेगळी ओळख निर्माण केली आहे. आयपीएलच्या या मोसमात प्रशांत त्याच्या ऑलराऊंड खेळीने टीमला प्ले-ऑफपर्यंत नेईल, अशी अपेक्षा सीएसके आणि चाहत्यांची आहे.