Virat Kohli : 28 रन करूनही विराटने इतिहास घडवला, T20 मधला रोहितचा 'महारेकॉर्ड' उद्ध्वस्त!

विराट कोहलीने सीएसकेविरुद्धच्या सामन्यात 28 रन केल्या, पण याचसोबत विराटच्या नावावर खास विक्रम जाला आहे. टी-20 क्रिकेटमध्ये विराटच्या नावावर महारेकॉर्ड झालं आहे. टी-20 क्रिकेटमध्ये एका टीमविरुद्ध सर्वाधिक रन करण्याचा विक्रम विराटने केला आहे.

विराट कोहलीने चेन्नई सुपरकिंग्सविरुद्ध आतापर्यंत 37 सामने खेळले, ज्यात त्याने 37.12 च्या सरासरीने 1188 रन केले, ज्यात 10 अर्धशतकांचा समावेश आहे. याआधी टी-20 क्रिकेटमध्ये एखाद्या टीमविरुद्ध सर्वाधिक रन करण्याचा विक्रम रोहित शर्माच्या नावावर होता.

advertisement

रोहितचा रेकॉर्ड मोडला

रोहित शर्माने केकेआरविरुद्ध 36 सामन्यांमध्ये 40.03 च्या सरासरीने 1161 रन केले आहेत, ज्यात एक शतक आणि 7 अर्धशतकांचा समावेश आहे. रोहितचा हा रेकॉर्ड तोडण्यासाठी विराटला सीएसकेविरुद्धच्या सामन्यात फक्त 2 रनची गरज होती. या 2 रन विराटने पहिल्याच ओव्हरमध्ये केल्या. विराटचा हा विक्रम स्पेशल आहे कारण टी-20 फॉरमॅटमध्ये एखाद्या टीमविरुद्ध एवढ्या रन करणं सोपं नाही, यासाठी सातत्याने आणि बराच काळ चांगली कामगिरी करावी लागते.

विराट कोहलीने सीएसकेविरुद्ध हा महाविक्रम फक्त एक मोसम नाही तर अनेक वर्ष सातत्याने चांगली कामगिरी करून बनवला आहे. टी-20 क्रिकेटमध्ये फक्त स्ट्राईक रेटच नाही तर सातत्यही तितकंच महत्त्वाचं आहे हे विराटने या रेकॉर्डच्या माध्यमातून दाखवून दिलं आहे.