TRENDING:
हॅरी ब्रूकचं झंझावाती शतक
या टी20 वर्ल्ड कप (World Cup) सामन्यात पाकिस्तानने प्रथम फलंदाजी करताना 9 विकेट्स गमावून 164 रन्स बनवले होते. या आव्हानाचा पाठलाग करताना इंग्लंडच्या हॅरी ब्रूकने झंझावाती शतक झळकावले आणि आपल्या संघाला विजय मिळवून दिला. पाकिस्तानने हा सामना शेवटपर्यंत लढून गमावला असला तरी, खराब कॅप्टन्सीमुळे त्यांना हा पराभव स्वीकारावा लागल्याची चर्चा आता क्रीडा वर्तुळात रंगली आहे.
advertisement
व्हिडिओ सोशल मीडियावर व्हायरल
मैदानातील या राड्याचा व्हिडिओ सोशल मीडियावर व्हायरल झाला असून, इंग्लंडच्या समर्थकासमोर पाकिस्तानी चाहत्याला मान खाली घालावी लागली. विशेष म्हणजे, हा चाहता केवळ रागापोटी भांडला नसून त्याचा मुख्य उद्देश प्रसिद्धी मिळवणे हा होता. पाकिस्तानच्या या चाहत्याचे नाव जुहैब अहमद असून तो एक सोशल मीडिया इन्फ्लूएंसर आहे, जो नेहमी अशा वादातून चर्चेत राहण्याचा प्रयत्न करत असतो.
जुहैब अहमद कोण?
जुहैब अहमद याने यापूर्वी ऑस्ट्रेलियन क्रिकेट चाहत्याला सँडपेपर दाखवून डिवचण्याचा प्रयत्न केला होता, तिथेही त्याला चोख प्रत्युत्तर मिळाले होते. हा इन्फ्लूएंसर नेहमीच परदेशी चाहत्यांशी वाद घालून व्हिडिओ बनवतो आणि स्वतःची नाचक्की करून घेतो. महत्त्वाचे म्हणजे, भारतीय चाहत्यांशी भिडण्याची तो कधीच हिंमत करत नाही, उलट भारत-पाकिस्तान मॅच दरम्यान तो भारतीयांसोबत मैत्रीचे व्हिडिओ बनवून व्हायरल होण्याचा प्रयत्न करतो.