TRENDING:
कुमार कुशाग्रा याची कुंडली मांडली
नवज्योतसिंग सिद्धूपेक्षा इयान बिशप यांची कॉमेन्ट्री ऐकण्याची इच्छा लोक व्यक्त करतात. कारण इयान बिशप यांचं समालोचन अर्थपूर्ण असून त्यांनी प्रत्येक लहान खेळाडूची कुंडली आधीच काढून ठेवलीये. त्यांचा अभ्यास इतका दांडगा आहे की, कोणत्याही युवा खेळाडूवर ते निबंध देखील लिहू शकतात. अशातच गुजरातचा युवा खेळाडू आणि शुभमन गिलच्या अनुपस्थितीत प्लेइंग इलेव्हनमध्ये खेळण्याची संधी मिळालेल्या कुमार कुशाग्रा याची कुंडली इयान बिशप यांनी मांडली.
advertisement
धोनीमुळे क्रिकेटचे धडे गिरवण्यास सुरुवात
इयान बिशप यांनी झारखंडच्या कुमार कुशाग्रच्या प्रेरणादायी प्रवासावर भाष्य करत कुमारचं तोंडभरून कौतुक केलं. झारखंड या मातीने भारतीय क्रिकेटला एमएस धोनीसारखे महान खेळाडू दिले असून, याच परंपरेतील कुशाग्र हा एक चमकता तारा असल्याचे बिशप यांनी म्हटलं. कुशाग्रने लहानपणापासूनच धोनीचा आदर्श समोर ठेवून क्रिकेटचे धडे गिरवण्यास सुरुवात केली होती, असंही त्यांनी सांगितलं.
'कूच बिहार ट्रॉफी'मध्ये खोऱ्याने रन्स
कुशाग्रचा क्रिकेटमधील प्रवास स्थानिक अकादमींमधून सुरू झाला, जिथे त्याने आपल्यातील टॅलेंटने सर्वांचे लक्ष वेधून घेतले. तो केवळ एक आक्रमक मिडल ऑर्डर बॅटर नाही, तर एक चपळ विकेटकीपर म्हणूनही नावारूपास आला आहे. स्टेट क्रिकेटमध्ये अतिशय कमी वयात संधी मिळाली आणि त्याने त्याचं सोनं केलं. भारताची प्रमुख अंडर 19 डोमेस्टिक टूर्नामेंट असलेल्या 'कूच बिहार ट्रॉफी'मध्ये कुशाग्रने खोऱ्याने रन्स ओढले होते. याच स्पर्धेतील कामगिरीमुळे तो खऱ्या अर्थाने चर्चेत आला.
नव्या छाव्याला संधी देणार का?
बिशप यांच्या मते, कुशाग्रसारख्या खेळाडूंमुळे भारतीय क्रिकेटची बेंच स्ट्रेंथ अधिक मजबूत होत असून, मोठ्या मॅचमध्ये प्रेशर हाताळण्याची त्याची क्षमता कौतुकास्पद आहे. त्यामुळे आता गुजरात टायटन्स धोनीच्या या नव्या छाव्याला संधी देणार का? हे पाहणं महत्त्वाचं ठरणार आहे. राजस्थानविरुद्ध कुमारने 18 धावांची खेळी केली, ज्यात त्याने 3 फोर मारले.