ST Bus : शिमगोत्सवासाठी एसटीकडून तयारी, ठाण्यातून अतिरिक्त बस; कुठून सुटणार एसटी?

कोकणच्या होळीसाठी एसटीचे मोठे नियोजन

प्रवाशांची वाढती गर्दी लक्षात घेता ठाणे एसटी विभागाने विशेष तयारी केली आहे. ठाणे विभागातील आठ आगारांतून जादा बस सोडण्यात येणार आहेत. बोरीवली आगारातून 17, भाईंदर आगारातून 3, ठाणे खोपट आगारातून 21, कल्याण आगारातून 17 आणि विठ्ठलवाडी आगारातून 21 अशा एकूण 75 जादा बस कोकणासाठी धावणार आहेत.

advertisement

या बस दापोली, खेड, चिपळूण, गुहागर आणि रायगड जिल्ह्यातील महाड या प्रमुख ठिकाणांसाठी असतील. नियमित सेवेव्यतिरिक्त या जादा बस सोडल्या जाणार आहेत. प्रवाशांचा प्रवास सुरक्षित, आरामदायी आणि वेळेत व्हावा यासाठी रातराणी प्रकारातील बस उपलब्ध असतील. या बसमध्ये टू-बाय-टू आसन व्यवस्था असेल.

कधी पर्यंत करता येणार बुकिंग

विशेष बससेवेसाठी आधीच तिकीट बुकिंगची सुविधा ऑनलाइन आणि ऑफलाइन दोन्ही पद्धतीने उपलब्ध आहे.28 फेब्रुवारी ते 2 मार्च दरम्यान बुकिंग सुरू राहणार आहे. तसेच गटाने प्रवास करणाऱ्यांसाठी ग्रुप बुकिंगची स्वतंत्र सुविधा देण्यात आली आहे. मात्र सध्या एकाही बसचे ग्रुप बुकिंग झालेले नाही अशी माहिती ठाणे एसटी विभागाने दिली.