TRENDING:
या अपघाताचे स्वरूप इतके भयानक होते की, यामध्ये जवळपास ९८ लोक जखमी झाले आहेत. मदत आणि बचाव कार्यादरम्यान मिळालेल्या माहितीनुसार, जखमींपैकी ३६ जणांवर सध्या रुग्णालयात उपचार सुरू आहेत. चिंतेची बाब म्हणजे यातील पाच जणांची प्रकृती अत्यंत गंभीर असून ते मृत्यूशी झुंज देत आहेत. रेल्वेचे नऊ कर्मचारी आणि प्रवाशांसह एकूण २५० लोक या ट्रेनमध्ये होते, जे एका क्षणात या संकटाच्या खाईत लोटले गेले.
advertisement
घटनेची माहिती मिळताच मेक्सिकोच्या राष्ट्राध्यक्ष क्लॉडिया शेनबॉम यांनी तीव्र दुःख व्यक्त केले आहे. त्यांनी तातडीने वरिष्ठ अधिकाऱ्यांना घटनास्थळी रवाना केले असून मृतांच्या नातेवाईकांना आणि जखमींना सर्वतोपरी मदत करण्याचे आदेश दिले आहेत. ओक्साकाचे गव्हर्नर सलोमन जारा यांनीदेखील या दुर्घटनेवर शोक व्यक्त केला असून राज्य आणि केंद्र सरकारच्या विविध यंत्रणा सध्या घटनास्थळी युद्धपातळीवर बचाव कार्य राबवत आहेत.
दुसरीकडे, या अपघाताचे नेमके कारण शोधण्यासाठी कायदेशीर चौकशी सुरू करण्यात आली आहे. ॲटर्नी जनरल अर्नेस्टिना गोडोय रामोस यांनी सोशल मीडियाद्वारे स्पष्ट केले की, रेल्वे रुळावरून घसरण्यामागे तांत्रिक बिघाड होता की मानवी चूक, याचा तपास आता 'ॲटर्नी जनरल' कार्यालयामार्फत केला जात आहे. निजांडा जवळील त्या जीवघेण्या वळणावर नेमके काय घडले, याचा शोध आता घेतला जात आहे.
ज्या 'इंटरओशॅनिक' ट्रेनचा हा अपघात झाला, तिची सुरुवात मोठ्या आशेने २०२३ मध्ये करण्यात आली होती. माजी राष्ट्राध्यक्ष लोपेझ ओब्राडोर यांचा हा महत्त्वाकांक्षी प्रकल्प पॅसिफिक महासागर आणि आखाती किनारपट्टीला जोडणारा एक महत्त्वाचा दुवा मानला जातो. पनामा कालव्याला पर्याय म्हणून या मार्गाकडे पाहिले जाते. मात्र, विकासाचा हा नवा मार्ग आज १३ कुटुंबांसाठी कायमचं दुःख देऊन गेला आहे. रेल्वे कनेक्टिव्हिटी आधुनिक करण्याच्या या प्रवासात आज रक्ताचे डाग लागल्याने हळहळ व्यक्त होत आहे.