सर्वांना नाही, पण ठराविक लोकांनाच का कुत्री भुंकतात? त्यामागचं कारण ऐकून व्हाल थक्क! 

कुत्र्यांची नाकं खूप तीक्ष्ण असतात. त्यांना मानवी वेगवेगळ्या प्रकारच्या गंधाची ओळख असते. जर कोणाच्या कपड्यांना तीव्र परफ्यूम, प्राण्यांचा वास किंवा कोणताही विचित्र वास येत असेल, तर कुत्र्याला अस्वस्थ वाटू शकतं आणि तो भुंकायला सुरुवात करू शकतो. याशिवाय, कुत्र्यांच्या जुन्या आठवणींचाही त्यांच्या वागणुकीवर परिणाम होतो.

जर कोणी कुत्र्याला आधी घाबरवलं असेल आणि तो नवीन माणूस तशाच प्रकारचे कपडे घालत असेल किंवा त्याला तसाच वास येत असेल, तर कुत्रा स्वतःचं रक्षण करण्यासाठी भुंकू शकतो. दुसरीकडे, जर त्याला कोणासोबत चांगला अनुभव आला असेल, तर तो आनंदाने शेपूट हलवतो.

advertisement

कुत्रे केवळ वासच नव्हे, तर मानवी भावनाही जाणवू शकतात. जर एखादी व्यक्ती घाबरलेली किंवा भयभीत असेल, तर कुत्रा त्याला पाहून अस्वस्थ होऊ शकतो. दुसरीकडे, जर कोणी आत्मविश्वासू आणि शांत असेल, तर कुत्रा त्याच्यावर विश्वास ठेवू लागतो.

कुत्र्यांचं भुंकणं कसं नियंत्रित करावं?

सामाजिकीकरण : कुत्रा लहान असताना, त्याला वेगवेगळ्या लोकांशी आणि वातावरणाशी परिचित करा, जेणेकरून तो अनोळखी लोकांना घाबरणार नाही.

सकारात्मक प्रोत्साहन : कुत्रा शांत राहिला की, त्याला खाऊ (अन्नाचे छोटे तुकडे) किंवा प्रेम द्या आणि हे चांगली वागणूक आहे, हे त्याला समजावून सांगा.

लक्ष विचलित करा : कुत्रा जास्त भुंकत असेल, तर त्याला खेळणं द्या किंवा त्याला खेळात गुंतवा.

आज्ञा शिकवा : "शांत हो" यांसारख्या सूचनांचा सराव करा, जेणेकरून कुत्र्याला तुम्ही काय म्हणताय हे समजेल आणि तो शांत होईल.

कुत्र्यांचं भुंकणं हे त्यांच्या संवादाचं एक माध्यम आहे. ते फक्त त्यांची भीती, चिंता आणि त्यांची जागा सुरक्षित ठेवण्यासाठी भुंकतात. जर आपण त्यांच्या भुंकण्याची कारणं समजून घेतली आणि त्यांना योग्य प्रशिक्षण दिलं, तर आपण त्यांच्यासोबत चांगले संबंध निर्माण करू शकतो.

हे ही वाचा : General Knowledge : श्रीलंका हा वेगळा देश मग भारताच्या नकाशात तो का असतो?

हे ही वाचा : पतीच्या मोबाईलमध्ये गर्लफ्रेंडचा मेसेज, पत्नीने केला मोठा कांड, पोलिसही चक्रावले!