लग्नात बदनामीची भीती, रात्रीच मित्राचा काटा काढला, बीडच्या ‘त्या’ प्रकरणात धक्कादायक खुलासा

बीड: गेल्या काही काळात बीड जिल्ह्यात गुन्हेगारीच्या घटनांत वाढ झाली आहे. नुकतेच शिरूरकासार तालुक्यातील डोंगरदेवी–दगडवाडी शिवारात एका तरुणाचा रक्ताने माखलेला मृतदेह आढळून आल्याने खळबळ उडाली होती. या घटनेचा छडा लावत स्थानिक गुन्हे शाखेने अवघ्या पंधरा तासांत आरोपीला अटक करून तपासात मोठे यश मिळवले आहे. खून झालेल्या तरुणाचे नाव चांद ऊर्फ गुड्डू तांबोळी (वय 30) असून, धक्कादायक बाब म्हणजे त्याचा जिवलग मित्र अतिक गुलाब तांबोळी यानेच पैशांच्या वादातून त्याचा जीव घेतल्याचे तपासात निष्पन्न झाले आहे.