liver care tips for diabetes: तुम्हाला डायबिटीस आहे? मग ‘अशी’ घ्या तुमच्या लिव्हरची काळजी; थोड्याशा चुकीची मोजावी लागेल मोठी किंमत
- Published by:Tushar Shete
Last Updated:
Liver Health Tips for Diabetics: असं म्हणतात डायबिटीस हा आजार एकटा येत नाही तर अनेक आजारांना सोबत घेऊन येतो. त्यामुळे एकदा का तुम्हाला डायबिटीसची लागण झाली तर तुम्हाला तुमच्या शरीराच्या अन्य अवयवांची काळजी घेणं महत्वाचं ठरतं. डायबिटीस असलेल्या रुग्णांसाठी यकृताची (लिव्हर) काळजी घेणं अत्यंत महत्त्वाचे आहे. लिव्हर रक्तातील साखरेच्या पातळीवर नियंत्रित करण्यात महत्त्वाची भूमिका बजावते. डायबिटीस असलेल्या व्यक्तींमध्ये फॅटी लिव्हर, लिव्हर सिरोसिस, आणि यकृताशी संबंधित इतर आजार होण्याचा धोका जास्त असतो.
डायबिटीस असलेल्या रूग्णांनी संतुलित आहार घेणं गरजेचं आहे. ज्यात फळे, भाज्या, धान्य यासारखी कर्बोदकं, डाळी, कडधान्ये, भाजीपाला आणि कमी चरबीच्या प्रथिनांचा आहारात समावेश करावा.
असं म्हणतात साखर ही डायबिटीसच्या रूग्णांची शत्रू आहे. त्यामुळे साखर, साखरेचे पदार्थ, कोल्डड्रिंक्स आणि गोड पदार्थ खाणं टाळावं.
नियमित व्यायाम केल्याने फॅटी लिव्हरचा धोका कमी होतो आणि रक्तातील साखरेवर नियंत्रण राहते. त्यामुळे रोज अर्धा तास चालणं, सायकलिंग, किंवा योगा केलात तर फॅटी लिव्हरचा त्रास कमी होऊ शकेल.
advertisement
मद्यपानाचा यकृताच्या कार्यक्षमतेवर परिणाम होतो आणि लिव्हर सिरोसिसचा धोका वाढवते. धूम्रपान यकृताच्या पेशींवर ताण आणून इन्फ्लमेशन वाढवतं. त्यामुळे फॅटी लिव्हर असणाऱ्यांनी मद्यपान आणि धूम्रपान टाळावं.
advertisement
काही औषधे यकृतासाठी हानिकारक असू शकतात.त्यामुळे कोणतीही औषधं घेण्यापूर्वी डॉक्टरांचा सल्ला घ्या, औषधांच्या नियमिततेमुळे रक्तातील साखरेचे योग्य नियंत्रण होते. त्यामुळे तुम्ही डायबिटीसच्या गोळ्या, इंजेक्शन वेळेवर घेणं तुमच्या आणि तुमच्या यकृताच्या आरोग्यासाठी फायद्याचं आहे.
advertisement
जास्त वजन किंवा स्थूलता (Obesity) फॅटी लिव्हर आणि इन्सुलिन कमी होण्यास कारणीभूत ठरते. त्यामुळे तुम्ही वजन नियंत्रणात ठेवलं तर तुमच्या यकृताची कार्यक्षमता सुधारेल.
advertisement
मानसिक ताण हे सुद्धा डायबिटीसचं एक मुख्य कारण आहे. जशी साखर आरोग्यासाठी धोक्याची आहे तसाच ताण हा सुद्धा धोक्याचा आहे. सततच्या ताणामुळे डायबिटीस वाढून यकृत आणि शरीराच्या आरोग्यावर वाईट एकूणच परिणाम होतो.
advertisement
Location :
Mumbai,Maharashtra
First Published :
December 04, 2024 6:53 PM IST
मराठी बातम्या/लाइफस्टाईल/
liver care tips for diabetes: तुम्हाला डायबिटीस आहे? मग ‘अशी’ घ्या तुमच्या लिव्हरची काळजी; थोड्याशा चुकीची मोजावी लागेल मोठी किंमत
