Dhapate Recipe: नाश्त्याला काय? मराठवाडा स्टाईल दही-धपाटे बेस्ट पर्याय, पाहा अगदी सोपी रेसिपी

दही धपाटे किंवा थालीपीठ तयार करण्यासाठी हुरडा, गहू, हरभऱ्याची डाळ, जिरे आणि ओवा यापासून तयार केलेलं धपाट्याचं पीठ लागेल. तसेच तेल, मीठ, हळद, एक ओला कापड आणि हिरव्या मिरचीचा ठेचा, पालक किंवा दुधीभोपळा आणि बारीक चिरलेली कोथिंबीर एवढं साहित्य आवश्यक असते.

सुरुवातीला धपाट्याचे पीठ, बारीक चिरलेली पालक आणि कोथिंबीर, हिरव्या मिरचीचा ठेचा त्यामध्ये चवीनुसार मीठ, हळद हे सर्व मिश्रण चपातीच्या कणकीप्रमाणे सैलसर मळून घ्यायचं. यानंतर गॅसवर तवा ठेवून मंद आचेवर गरम करावा. तव्याला धपाटे चिटकू नये म्हणून थोडसं तेल टाकायचं. पोळपाटावर एक ओला कपडा अंथरायचा. यानंतर चपाती प्रमाणे थोडीशी कणीक घेऊन त्याला लाटण्याने न लाटता हातानेच चपाती प्रमाणे पांघून घ्यायचं.