Jalna Rain: अवकाळी पावसाचं थैमान, जालन्यात नदी-नाल्यांना पूर, शेतीच गेली वाहून!

जालना: राज्यासह मराठवाड्यात अवकाळी पावसानं थैमान घातलंय. जालना जिल्ह्यामध्ये मागील 24 तासांपासून मुसळधार पाऊस होत आहे. अंबड, घनसावंगी, मंठा, परतूर या तालुक्यांमध्ये तसेच बदनापूरमध्ये मुसळधार पावसाने झोडपून काढले. त्यामुळे अनेक ठिकाणी शेतांना तळ्याचे स्वरूप आल्याचे पाहायला मिळालं. तसेच ओढे, नाले तुडुंब भरून वाहत असल्याचं पाहायला मिळतंय.‌ मंठा तालुक्यातील तळणी येथे ओढ्यात वाहून जाणाऱ्या एका युवकाला वाचवण्यात यश आलंय. लोकल18 च्या माध्यमातून एकंदर स्थितीचा आढावा घेऊ.