BMC Exit Poll: मुंबईवर कुणाचं राज्य? 6 Exit Poll चे वेगवेगळे आकडे एकाच ठिकाणी

Published by:Akshay Adhav

Last Updated:Jan 15, 2026 8:09 PM IST

BMC Election 2026 Exit Poll: भारतीय जनता पक्ष आणि एकनाथ शिंदे यांची शिवसेना यांची युती आरामात ११४ जागांचा जादुई आकडा पार करेल, असा अंदाज सर्वच मतदानोत्तर चाचण्यांनी वर्तवला आहे.

मुंबई : देशातील आणि आशिया खंडातील सर्वात श्रीमंत महापालिका असलेल्या मुंबईवर सत्ता मिळविण्यासाठी भारतीय जनता पक्ष आणि शिवसेनेमध्ये जोरदार संघर्ष झाला. या संघर्षात भारतीय जनता पक्षाची सरशी होणार असल्याचे सर्वच मतदानोत्तर चाचण्यांच्या निष्कर्षांमधून दिसून येते. भारतीय जनता पक्ष आणि शिवसेनेला स्पष्ट बहुमत मिळणार असल्याचा अंदाज आघाडीच्या मतदानोत्तर चाचण्यांनी वर्तवला आहे.

भारतीय जनता पक्ष आणि एकनाथ शिंदे यांची शिवसेना यांची युती आरामात ११४ जागांचा जादुई आकडा पार करेल, असा अंदाज सर्वच मतदानोत्तर चाचण्यांनी वर्तवला आहे. शिवसेना ठाकरे गटाला मात्र २०१७ सालच्या निकालाची पुनरावृत्ती करण्यात अपयश येईल, अशी शक्यता वर्तवली जात आहे. दुसरीकडे काँग्रेस पक्ष मात्र १२ ते १५ जागा घेऊन गेल्यावेळची व्होटबँक शाबूत ठेवण्याचा यशस्वी प्रयत्न करेल, असा अंदाज आहे.