'जागा वाटपामुळे सर्वच...'; वर्षा गायकवाड यांच्या दिल्लीवारीवर पटोले स्पष्टच बोलले

नागपूर, उदय तिमांडे, प्रतिनिधी : महाविकास आघाडीचा लोकसभा निवडणुकीसाठी जागा वाटपाचा फॉर्म्युला ठरला आहे. जागा वाटप देखील झालं आहे. मात्र अजूनही काही जागांचा तिढा कायम असल्याचं पाहायला मिळत आहे. सांगलीची जागा महाविकास आघाडीमध्ये शिवसेना ठाकरे गटाच्या वाट्याला गेली आहे. मात्र या जागेवरचा दावा अजूनही काँग्रेसच्या स्थानिक नेतृत्वाने सोडला नसल्याचं चित्र आहे. काँग्रेस नेते विशाल पाटील हे आता सांगलीमधून अपक्ष उमेदवारी अर्ज भरण्याच्या तयारीत आहेत. तर दुसरीकडे काँग्रेस नेत्या आणि माजी मंत्री वर्षा गायकवाड या देखील नाराज आहेत, काँग्रेमध्ये सुरू असलेल्या या सर्व नाराजी नाट्यावर आता काँग्रेसचे प्रदेशाध्यक्ष नाना पटोले यांनी प्रतिक्रिया दिली आहे.