गळ्यात किलोभर सोनं, घरात शिरून भावी नगरसेवकाची हत्या, 130 किमीवरील CCTV ने उलगडलं गूढ

सोलापूर शहरात तीन दिवसांपूर्वी निवडणूकीची तयारी करणाऱ्या एका तृतीयपंथी उमेदवाराची निर्घृण हत्या करण्यात आली होती. तीन जणांनी घरात शिरून ही हत्या केली होती. रात्रीच्या वेळी ही हत्या झाल्याने मारेकरी कोण आहेत? ही हत्या कशामुळे झाली? याचा काहीही थांगपत्ता लागत नव्हता. तृतीयपंथीयाच्या घरासमोरील सीसीटीव्ही कॅमेऱ्यात तीन मारेकरी कैद झाले होते. मात्र त्यांची ओळख पटवता येईल, एवढे स्पष्ट हे सीसीटीव्ही फुटेज नव्हते. पण पोलिसांनी घटनास्थळापासून १३० किमी अंतरावरील सीसीटीव्ही कॅमेरा तपासून तीन आरोपींची ओळख पटवली आणि त्यांना बेड्या ठोकल्या आहेत.