Success Story : आईची साथ अन् घेतला निर्णय, विशालचे फास्ट फूड सेंटर ठरलं हिट, महिन्याला कमाई लाखात

मुंबई : अनेक तरुण व्यवसाय करण्याला प्रधान्य देत आहे. भांडुप (पूर्व) येथील तरुण उद्योजक विशाल टक्केकर यांनी सातत्य, मेहनत आणि जिद्दीच्या जोरावर स्वतःचा टेस्टी राइड हा फास्ट फूड सेंटर उभा करत यशाची नवी वाट तयार केली आहे. एस.वाय.बी.कॉममध्ये ड्रॉप लागल्यानंतर कुटुंबाने त्यांना नोकरी करण्याचा सल्ला दिला. आपल्याकडे कोणी व्यवसाय केलेला नाही. व्यवसायात नुकसान झाले तर तू सावरू शकणार नाहीस अशा भीतीमुळे घरच्यांनी त्यांना उद्योजकतेपासून दूर राहण्याचा सल्ला दिला. मात्र विशाल यांची व्यवसाय करण्याची इच्छा पक्की होती. या निर्णयात त्यांना आईची साथ लाभली आणि तेच त्यांच्या प्रवासातील निर्णायक वळण ठरले.