10 थरांचं ध्येय, 500 हून अधिक गोविंदा; मुंबईतलं जय जवान पुन्हा रचणार नवा रेकॉर्ड?

मुंबई, 14 ऑगस्ट : हिंदू संस्कृतीमध्ये महत्त्वाचा समजला जाणारा श्रावण महिना आता काही दिवसांवर येऊन ठेपला आहे. श्रीकृष्णाचा जन्म हा श्रावण महिन्यातलाच आहे. त्या निमित्तानं गोकुळाष्टमी देशभर मोठ्या उत्साहात साजरी होते. गोकुळाष्टमीच्या दुसऱ्या दिवशी मुंबईत दहीहंडीची लगबग असते. मुंबईतील गोंविदा पथकांमध्ये अधिक उंच हंडी कोण लावणार? जास्तीत जास्त हंडी कोण फोडणार याची स्पर्धा रंगते. गोविंदा पथकांच्या या गर्दीत 'जय जवान' पथक हे  जगप्रसिद्ध आहे. जागतिक विक्रमाची नोंद असलेल्या या पथक यावर्षीही मोठ्या उत्साहानं तयारीला लागलंय.