सोलांग व्हॅलीमध्ये फिरायला गेली, पण परतलीच नाही! मुंबईच्या प्रियांकाचा मनालीत मृत्यू; धक्कादायक कारण समोर

मिळालेल्या माहितीनुसार, प्रियंका आपल्या मावशीसोबत मनालीच्या सहलीवर गेली होती. गुरुवारी त्या मनालीपासून १५ किमी अंतरावर असलेल्या जगप्रसिद्ध 'सोलांग व्हॅली'मध्ये फिरण्यासाठी गेल्या होत्या. निसर्गाचा आनंद घेऊन तिथून परत येत असताना प्रियंकाला अचानक तीव्र हुडहुडी भरली आणि तिचे शरीर थंड पडू लागले.

तिची प्रकृती वेगाने बिघडत असल्याचे पाहून मावशीने तिला तात्काळ मनालीतील स्थानिक रुग्णालयात नेलं. मात्र, दुर्दैवाने रुग्णालयात पोहोचण्यापूर्वीच प्रियंकाचा मृत्यू झाला होता. डॉक्टरांनी तिला तपासून मृत घोषित केलं. उत्तर भारतात सध्या कडाक्याची थंडी असून मनालीचे तापमान शून्याखाली गेले आहे. अचानक झालेल्या या तापमानातील बदलाचा प्रियंकाच्या शरीराला धक्का बसला आणि तिचा मृत्यू झाला, असा प्राथमिक अंदाज डॉक्टरांनी व्यक्त केला आहे.