दोन खोल्यांचं घर, मोबाईलही वापरत नाहीत, रतन टाटांचे छोटे भाऊ करतात काय?

मुंबई : भारताचं नाव जगभरात पोहोचवलेल्या उद्योगपती रतन टाटा यांचं बुधवारी रात्री निधन झालं. वयाच्या 86 व्या वर्षी रतन टाटा यांनी अखेरचा श्वास घेतला. मुंबईतल्या ब्रीज कॅण्डी रुग्णालयात रतन टाटा यांच्यावर उपचार सुरू होते. टाटा समुहाला या उंचीवर नेण्यासाठी रतन टाटा यांनी संघर्ष केला. आयुष्यभर रतन टाटा अविवाहित राहिले, त्यांच्यासोबत भाऊ-बहीण आणि पूर्ण कुटुंब होतं. रतन टाटा यांना दोन भाऊ, एक बहीण, पुतण्या आणि पुतणी आहे. पण रतन टाटा यांचे छोटे भाऊ जिमी टाटा हे कुटुंबातलं वेगळं व्यक्तीमत्व आहे. जिमी टाटा हे कायमच प्रकाशझोतापासून दूर, सामान्य आयुष्य जगतात. टू बेडरूम फ्लॅटमध्ये राहणारे जिमी मोबाईलही वापरत नाहीत.